VOV4.K’ho - Tơnơ̆ mờ rơlao 2 jơ bơyai lơh jòi, mpồl lơh broă geh gơnoar kơnhoàl Ngọc Hồi, càr Kon Tum neh jòi gŏ mờ cèng rê 6 nă cau F0 sơbì dô rê wơl tàm tiah sơm kòp. Tiah mpồl lơh broă geh gơnoar jòi gŏ 6 nă cau F0 sơbì dô là tàm 1 bă suơn cao su gơwèt xã Đăk Kan, kơnhoàl Ngọc Hồi.

                                              Prao nă cau F0 sơbì dô geh jòi bàn tàm suơn cao su

Jơnau yal lài ngan pà git, tơnơ̆ mờ tŭ neh sơbì dô lik bơdìh tiah sơm kòp F0 bơh hìu sơnơm tiah Ngọc Hồi, tài ờ geh rơndeh đì den tàng jơh 6 nă cau F0 do ndrờm lòt jơng mờ tus tàm tiah geh mpồl lơh broă geh gơnoar gŏ den kung ờ hềt geh tìp mờ cau lơi. Lài mờ hơ̆, tàm di pơgăp 12 jơ ngai 11 nhai 11, geh 6 nă cau geh gŏ mờ virus Sars CoV-2 sơbì dô lik bơdìh tiah sơm kòp F0 bơh hìu sơnơm tiah Ngọc Hồi. Prao nă cau F0 do cau dềt ngan mìng rơ̆p 16 sơnam, cau dờng ngan 19 sơnam mờ ndrờm là cau kòn cau Bơnhàr kis tàm xã Ngọc Bay, ƀòn dờng Kon Tum. Tàm hơ̆, cau mŭt piam kòp sơm kòp gờñ ngan tàm ngai 28 nhai 10 mờ pa ngan tàm ngai 6 nhai 11 lài do.

Cau mblàng Ndong Brawl