VOV4.K’ho- Càr Kon Tum pơn jăt tai sền dờng màng, tơnguh uă cồng nha lơh broă bơh Hợp tác xã, mpồl lơh broă bal dê; tơnguh uă cồng nha tă pơgồp bơh tiah lơh sa bal dê tàm gơguh tai lơh sa, tơn jơh jơgloh tơrmù rƀah dùl bă kơ̆ kơl jăp; tơnguh uă gơnoar broă, bơngă bơh tiah lơh sa bal dê tàm rài lơh sa.

Kon Tum ngui niam gơnoar broă bơh Mpồl lơh broă bal dê tàm broă tam kơnuh sơnơm Ngọc Linh tềng hơđơm mƀur chi brê geh is

Do là jơnau đơs nền bơh Ƀan thường vụ Tỉnh ủy Kon Tum dê tàm Pơrjum tơn jơh 20 nam lơh jăt Kơrnoăt sồ 13 bơh Ƀan Chấp hành Đảng dà lơgar khoá IX dê bè pơn jăt tai tam gơl pa, bơtàu tơnguh, tơnguh uă cồng nha lơh sa bal mờ 10 nam lam lơh jăt Adat Hợp tác xã nam 2012 bơyai lơh tàm ngai 23/11, tàm ƀòn dờng Kon Tum. Tơnơ̆ 20 nam lơh jăt Kơrnoăt, tus tŭ do, càr Kon Tum geh 194 Hợp tác xã bal mờ rlau 9 rbô 700 nă cau tàm mpồl mờ 210 mpồl lơh broă bal, bal mờ mờr 2 rbô 200 nă cau tàm mpồl gam lơh broă. Priă lơh geh kờp bal bơh dùl nă cau lơh broă tàm Hợp tác xã dê lơh geh pơgăp 41 tơlak đong dùl nam.

Broă lơh kơphê sàng goh bơh dùl Hợp tác xã dê tàm kơnhoàl Đăk Hà, càr Kon Tum

Ƀan Thường vụ Tỉnh ủy Kon Tum gĭt nền, pơn jăt tai sền gròi tơnguh uă cồng nha lơh broă bơh Hợp tác xã, mpồl lơh broă bal dê; tơnguh uă cồng nha tă pơgồp bơh lơh sa bal dê tàm gơguh lơh sa, tơn jơh jơgloh tơrmù rƀah dùl bă kơ̆ kơl jăp jŏ jòng; tơnguh uă gơnoar broă, bơngă bơh lơh sa bal dê tàm rài lơh sa.

Cau mblàng Lơ Mu K’Yến