VOV4.K’ho- Tềng đap bơta kòp Covid-19 gơlik geh mhar, ờ gơtùi git lài, nàng rơcang sơndră kòp, Ủy ban Nhân dân càr Kon Tum neh geh kơrnuat ơm ală broă lơh ờ kuơmàng bơh 12 jơ mang ngai 06/5. Jat hơ̆, Ủy ban Nhân dân càr Kon Tum sồr ală sở, mpồl, gah broă lơh, mpồl lơh broă gơ wèt càr; Ủy ban Nhân dân 10 kơnhoàl, ƀòn dờng bơh 12 jơ mang ngai 06/5 ờ bơyai lơh ală broă lơh tơrgùm gal cau ờ kuơmàng. Ơm ing lơh broă ală anih kă bro broă drơng ala ờ ngan ngồn kuơmàng, geh jơnau pơhìn uă bơtờp kòp Covid-19.

Gơ wèt mờ ală anih kă bro broă drơng ala kuơmàng ndai geh lơh broă mơya pal lơh jat nền nòn ală broă lơh rơcang sơndră kòp Covid-19, ờ tơrgùm gal cau. Lơh jat nền nòn broă pơn chèu glòm muh mat, was khà duh să jan, ràu kloh tê mờ dà lơh kloh khuẩn mhar halà sơ ƀong.. tàm tiah geh gal cau mờ ală anih lơh broă, mpồl lơh broă, anih lơh sa. Gah Giáo dục mờ Đào tạo càr Kon Tum kung neh geh kơrnuat tam gơl tơngai pơrlòng học kỳ 2, nam bơsram 2020- 2021 ală kấp bơsram gờñ rlau 1 poh pơndrờm mờ broă rơndap lơh bơh sơn rờp.

Cau mblàng K’Duẩn