VOV4.K’ho- Drim ngai 16/04, tàm ƀòn dờng Kon Tum, Ủy ban Mặt trận dà lơgar Việt Nam càr Kon tum bơyai lơh pơrjum cribơyai dơ̆ 3 nàng sac rwah, cih mat ală cau  tơl bơta tơlik mat tĕ khà Kuang bàng Quốc hội khoá 15 mờ Kuang bàng Hội đồng nhân dân càr, tơngai lơh broă bơh nam 2021- 2026.

                                                        Anih pơrjum cribơyai dơ̆ 3

Tàm pơrjum cribơyai dơ̆ 3, ală kuang bàng iăt Ban Thường trực Ủy ban Mặt trận dà lơgar Việt Nam càr Kon Tum yal cồng nha bơyai lơh ai jơnau đơs, bơta pin dờn bơh cau tĕ khà tàm tiah ơm kis dê gơwèt mờ 10 nă cau tơlik mat tĕ khà Kuang bàng Quốc hội khoá 15 mờ 85 nă cau tơlik mat tĕ khà Kuang bàng Hội đồng Nhân dân càr, tơngai lơh broă bơh nam 2021- 2026. Ală kuang bàng tus bal pơrjum cribơyai dơ̆ 3, bơh Ủy ban Mặt trận dà lơgar Việt Nam càr Kon Tum bơyai lơh neh ring bal ai 2 nă cau geh sră dan lik ờ tơlik mat tĕ khà Kuang bàng Quốc hội khoá 15 tai. Ring bal cih mat 8 nă cau tơl bơta tơlik mat tĕ khà Kuang bàng Quốc hội khoá 15 mờ 85 nă cau tơlik mat tĕ khà Kuang bàng Hội đồng Nhân dân càr, tơngai lơh broă bơh nam 2021-2026.

Cau mblàng K’Hạnh