VOV4.K’ho- Tàm pe ngai, bơh ngai 19-21/5, Đảng bộ kơnhoàl Ia H’Drai, càr Kon Tum bơyai lơh Pơrjum dờng cau ala măt dơ\ 17, tơngai lơh broă bơh nam 2020- 2025. Tus bal Pơrjum dờng geh 200 nă cau, ala măt ai rlau 500 nă đảng viên bơh kơnhoàl dê in. Ia H’Drai là kơnhoàl bơh sơnrờp geh Tỉnh ủy Kon Tum rwah bơyai lơh pơrjum dờng lơh tơrlòng lài nàng ai jơnau bơsram mờng chài ai Pơrjum dờng Đảng bộ kấp kơnhoàl mờ ndrờm bal in.

Tơngai lơh broă pa do kung là tơnơ\ 5 nam crơng gơs kơnhoàl, đòm jăt nùs nhơm tam klăc, Đảng bộ, gơnoar ătbồ, ling klàng mờ làng bol kơnhoàl tiah nhàr lơgar Ia H’Drai, càr Kon Tum neh sơrlèt gan uă kal ke, bơta lòng lơh geh cồng nha kuơmàng tàm jơh ală gah broă. 

Pơnrơ bơh 3 chi bộ bal mờ 65 nă đảng viên, tus tu\ do, Đảng bộ kơnhoàl Ia H’Drai neh geh 23 mpồl đảng bal mờ rlau 500 nă đảng viên mờ kơnhoàl ờ gam thôn, [òn ờ hềt geh mpồl đảng. Bè bơtàu tơnguh lơh sa, kơnhoàl crơng gơs geh tiah mờng tam tờm kau su jăt kềng gah tiah nhàr lơgar rềp bal mờ lơgar Campuchia gơ\p bơyô mờ rlau 24 rbô lồ; lơh sa mờ măy mok lơh gơlik ồs đèng, lơh sa mờ măy mok lơh gơlik phan bơtàu tơnguh; pah nam kơnhoàl gơmù geh bơh 5 tus 6% hìu bơnhă r[ah. Gah sền gàr dà lơgar, lơngăp lơngai geh tơnguh tai; lơh sơnơm, bơto bơtê, sền gàr tơl niam rài kis mpồl bơtiàn lơh geh uă cồng nha niam ngan.

Cau ala măt tus bal Pơrjum dờng

 Tus bal Pơrjum dờng, go\ geh broă lơh rcăng wil tơl, di bơta rơndăp tăp sèng, broă yờ năc, wa\ rò; cau ala măt tus bal cribơyai nùs nhơm làng bol lơh tờm, geh kơnòl, ồng Rô Man Duyên, Phó Chủ tịch Ủy ban Mặt trận dà lơgar Việt Nam kơnhoàl Ia H’Drai, tơlik nùs nhơm chờ hờp mờ geh uă bơta gơn kơnờm bè broă lơh kuang bàng bơh Pơrjum dờng dê bè do: Gơn kơnờm bơh să tờm a` dê, cau ala măt pồ kuang bàng lơh broă tàm kấp ủy pa, tơngai lơh broă bơh nam 2020- 2025 pơnrơ bè bồ tơngoh jak, geh bơngă pin dờn mờ geh bơta pràn tam lơh uă, lơh geh jơnau sồr đơng lam bồ tàm tơngai tu\ do, pơgồp bơnah lơh geh cồng nha Kơrnoat Pơrjum dờng Đảng bộ kơnhoàl khoá 17, tơngai lơh broă bơh nam 2020- 2025. Bơ\t bơtàu kơnhoàl bơtàu tơnguh mhar mờ kơ\ kơl jăp.

Đùh sră pồ Ban chấp hành Đảng bộ kơnhoàl tơngai lơh broă khoá pa

Bal mờ nùs nhơm “Tam klăc, Làng bol lơh tờm- duh rơngòt adat boh lam, ngac ngar nhhap nhhar, Bơtàu tơnguh”, Pơrjum dờng cau ala măt Đảng bộ kơnhoàl Ia H’Drai dơ\ 17, tơngai lơh broă bơh nam 2020- 2025 neh pồ Ban Chấp hành tơngai lơh broă khoá pa geh 29 nă oh mi; pồ Mpồl cau ala măt lòt Pơrjum dờng kấp hơđang geh 11 nă oh mi. Ồng Nguyễn Hữu Thạch geh Pơrjum dờng pin dờn pồ ăt tai gơnoar broă Bí thư Huyện ủy. Pơrjum dờng ring bal geh 20 broă jàu tờm tus nam 2025. Tàm jơh, lơh ngan jơh nùs tàm 5 nam tus, kờp jơh priă lơh geh bơh broă lơh sa geh 3 rbô 540 tơmàn đong; khà hìu bơnhă r[ah hơđơm 10%; tàm tơngai lơh broă tơmu\t geh 200 nă đảng viên pa…

Bè ală pơlam gùng dà dờng bơh kơnhoàl dê tàm tơngai lơh broă khoá pa, ồng Nguyễn Hữu Thạch, Bí thư Huyện ủy Ia H’Drai, pà gi\t: Gùt dar tơngume bơ\t bơtàu Đảng bộ sàng goh pràn kơldang kơ\ kơl jăp, ngui niam bơta pràn tam klăc dờng ală jơi bơtìan, hòi jà tă pơgồp mờ ngui geh cồng nha ală bơnah priă nàng bơ\t bơtàu kơnhoàl Ia H’Drai bơtàu tơnguh mhar, kơ\ kơl jăp mờ lơh geh tơl khà [òn lơgar pa tàm lồi tơngai lơh kơnòl broă. Bol a` geh jơh nùs geh lơh niam bơta pràn, bơta jak mờ kơnhoàl gam geh, bè tiah tam kau su, bă măt dà tàm dơlam tơnau dà hìu măy pờ tơlik ồs đèng, bơta pràn bè nhơl chờ, bè ồs đèng kloh nàng hòi jà ală cau bơcri priă geh bơta pràn, geh bơta jơh nùs bal mờ kấp ủy, gơnoar ătbồ mờ làng bol tàm do bơtàu tơnguh bal lơh sa, bơtàu tơnguh rài kis phan bơna mờ nùs nhơm bơh làng bol dê.

Ban Chấp hành mờ Mpồl cau ala măt tus bal Pơrjum kấp hơđang tơlik măt Pơrjum dờng    

 Tơnơ\ mờ tu\ lơh geh cồng nha bơh Pơrjum dờng cau ala măt Đảng kơnhoàl dê tơn, Huyện ủy Ia H’Drai neh ai geh bàr pe bơta mờng chài tàm ală tu\ rcăng, bơyai lơh pơrjum dờng, nền cê bè do: rcăng wil tơl ngan bè tơngume, kuang bàng mờ bơnah lam drơng broă. Lơh jăt niam tàm 3 tơngume, jơnau sồr do bơ\t bơtàu broă lơh, broă rơndăp lơh loh làng, jàu nền cê tus tơl nă cau in, tơl anih dong broă mờ lơh jăt niam ală bơta rơndăp tăp sèng, jơnau sồr. Ală mờng chài tàm bơyai lơh geh cồng nha pơrjum dờng lơh tơrlòng lài Đảng bộ kơnhoàl Ia H’Drai geh Tỉnh ủy Kon Tum mblàng yal tus ală Đảng bộ kấp kơnhoàl mờ ndrờm bal in tàm ală tu\ rcăng bơyai lơh pơrjum dờng.

Cau cih Khoa Điềm- Cau mblàng Lơ Mu K’Yến