VOV4.K’ho- Geh rlau 3 rbô bơta buơn jòi geh broă lơh ai đoàn viên, ơruh pơnu, cau lơh broă càr Kon Tum in tàm Ngai broă lơh mờ sơn đờm mut lơh broă nam 2021 geh Sở Lao động, Thương binh mờ Xã hội pơgồp bal mờ Tỉnh đoàn Kon Tum bơyai lơh ngai 27/4 tàm ƀòn dờng Kon Tum. Tus bal Ngai broă lơh mờ sơn đờm mut lơh broă nam 2021, git nđờ rhiang nă đoàn viên, ơruh pơnu, cau lơh broă càr Kon Tum geh pơlam, ai tơlik lài gùng dà jòi broă lơh. Tàm khà do uă cau neh jòi geh broă lơh dipal bơh 52 mpồl rơ wah cau lơh broă.

Bulah gơtìp gơ rềng tài bơh kòp Covid-19, mơya tàm nam 2020 mờ mờr 4 nhai bồ nam 2021, gah Lao động, Thương binh mờ Xã hội càr Kon Tum kung gam ai geh broă lơh rlau 3 rbô 400 nă cau in geh broă lơh kơ̆ kơljap tàm lơgar, 178 nă cau lòt lơh broă geh tơngai pơrgon tàm lơgar ndai mờ kung bơyai lơh pơlam, ai tơlik lài jơnau pơlam jòi broă lơh ai rlau 10 rbô dơ̆ đoàn viên, ơruh pơnu mờ cau lơh broă tàm tiah ƀòn lơgar in.

Cau mblàng K’Duẩn