VOV4.K’ho- Cơldŭ lơh broă Hội đồng Nhân dân càr Kon Tum pà gĭt, dơ̆ pơrjum dơ̆ sơnrờp Hội đồng Nhân dân càr khoá XII, tơngai lơh broă bơh nam 2021- 2026 rơcăng lơh tàm 2 ngai (bơh ngai 1-2/7/2021) tàm Hìu pơrjum Ngọc Linh, ƀòn dờng Kon Tum.

Tàm dơ̆ pơrjum, geh bơyai lơh sền swì ală sră yal bè broă lơh kuang bàng, 4 sră yal rơcăng cih Kơrnoat bơh Thường trực Hội đồng Nhân dân càr dê jun yal; jơnau yal bơh ală Ban Hội đồng Nhân dân càr dê. Ủy ban Nhân dân càr geh jun yal mờ Hội đồng Nhân dân càr in 7 jơnau yal, hơ̆ là: Jơnau yal bè broă lơh jăt ală kơnòl broă lơh sa- mpồl bơtiàn, sền gàr dà lơgar mờ lơngăp lơngai 6 nhai bồ nam mờ gùng dà broă lơh, kơnòl broă 6 nhai lồi nam; Jơnau yal bè lơh jăt tă, dơ̆ ngui kes priă dà lơgar 6 nhai bồ nam; jơnau yal bè broă lơh jăt tềm pềr, tam dră pơhì pơhà 6 nhai bồ nam mờ gùng dà broă lơh, kơnòl broă 6 nhai lồi nam...Kờp dŭ geh 12 sră jun yal rơcăng cih Kơrnoat geh Ủy ban Nhân dân càr dê jun yal tàm Pơrjum dơ̆ do.

Cau mblàng Lơ Mu K’Yến