VOV4.K’ho – Tơnơ\ 2 nhai gơbàn uă, kòp sồt mbùng gơtă nđias tàm mpồl sur tàm càr Kon Tum neh bơ tờp tus 27 xã, sơnah [òn, thị trấn bơh 4 kơnhoàl, [òn dờng lơh rlau 3 rbô 200 nơm sur pal tơp pơrguc. Pa kơryan gơtùi kòp sồt mbùng gơtă nđias, gah lơh sa suơn sre càr Kon Tum neh pal tơr gùm mơ tàm broă rơcang sơndră kòp jê ndul gơ jroh sur châu Phi. Tu\ do càr neh pà 3 rbô 500 lít dà sơnơm ai ală kơnhoàl, [òn dờng in lam lơh nhai kloh niam, lơh kloh kòp, bơyai lơh pơrjum bè kòp jê ndul gơ jroh sur châu Phi mờ ală broă lơh rơcang sơndră kòp ai 800 hìu bơnhă ròng sur tàm ală kơnhoàl: Đăk Hà, Đăk Tô, Ngọc Hồi mờ [òn dờng Kon Tum; pơlam cau ròng phan, kuang bàng lơh sơnơm phan ròng tàm [òn lơgar sơlơ sền gròi mpồl sur; sơlơ sền gròi broă pơndiang sur gan ală anih sền gròi Măng Khênh, Sao Mai tàm gùng rơndeh 14 mờ Violak tàm gùng dờng 24.