VOV4.K’ho-Sơnđờm ai ală broă lơh ai sa tềp tus mờ làng bol tàm tiah nhàr lơgar, tàm xã tiah nhàr lơgar Ia Đal, kơnhoàl Ia H’Drai, càr Kon Tum, gơnoar atbồ tiah do, mpồl ling sền gàr tiah nhàr lơgar, mpồl ling klàng bal mờ ală mpồl lơh sa kă bro lơh broă tàm ù tiah xã dê neh bơyai lơh Ngai chờ kơnâm mbar tơlir sa tềp tiah nhàr lơgar bềng nùs nhơm tam klac bal đah ling klàng mờ làng bol kàl prang bồ sơnam pa Kỷ Hợi 2019.

Hìu duh broă Ủy ban Nhân dân xã Ia Đal dê, anih bơyai lơh Ngai chờ kơnâm mbar tơlir sa tềp tiah nhàr lơgar bềng nùs nhơm tam klac bal đah ling klàng mờ làng bol kàl prang bồ sơnam pa Kỷ Hợi 2019 gơklo\ gơcrà ngan, pơnrơ ngan tàm bơta tơlir niam bơh chi che brê bơnơm dờng ơning ơnàng bal mờ sươn kau su dờng ơning ơnàng ngan.

Sơnđờm ngai chờ in, gi\t nđờ rhiang nă làng bol, kuang bàng xã Ia Đal bal mờ kuang bàng cau ling sền gàr tiah nhàr lơgar neh tàm pơrlòng klơm 717 yô kơnâm mbar, hơ\ sồng tru\ gơm dùl anih tơn nàng pà 483 hìu r[ah tàm xã in.

Bi Y Nạc, kòn cau Jeh Triêng, ơm tàm thôn 1, xã Ia Đal tê sơrbac mhar ngan klơm kơnâm mbar, bơr chờ hờp chờ hờ` ngan `o\ mờ đơs, làng bol Ia Đal rềp nhàr bal mờ lơgar gơ\p bơyô Campuchia neh sền go\ sa tềp tus, bồ sơnam pa kàl prang neh rê tus.

Geh tus bal broă lơh klơm kơnâm mbar tơlir den a` gơlơh chờ hờp ngan. Sền go\ rài kis nùs nhơm sa tềp gơ rê tus mờ [òn lơgar, gơ rê tus mờ xã mờ ù tiah he dê gờ`. Sơnđờm ngai bồ sơnam pa neh tus mờ làng bol xã Ia Đal.

Bal mờ rài kis nùs nhơm sa tềp geh lơh geh bơh ngai chờ kơnâm mbar tơlir, 483 hìu bơnhă r[ah bơh xã Ia Đal dê gam geh ală tu\ jiơ chờ hờp, niam bơne\ ngan hi\u ing te\ ală jơnau kơlôi rơcang, bòl glar kal ke mờ broă lơh tìp mat lơh quèng đơs crih tam ya geh tơngume Bồ sơnam pa kàl prang tiah nhàr lơgar.

Ală phan pà geh kuơ ngan kung neh geh jàu tàm tê làng bol dê tàm dơ\ do, bè: 2 nơm hìu, tơl nơm hìu geh lơh jơh pơgăp 50 tơlak priă pà hìu r[ah cau kòn cau in; 5 nơm tô ri pà ală thôn in; gi\t nđờ rhiang bơnah phan pà bơh ală cau geh nùs nhơm niam dê pà hìu r[ah in geh phan sa tềp…

Kon Tum: Sa tềp gờ` ai hìu r[ah tiah nhàr lơgar in

Ồng Ngụy Đình Phúc, Chủ tịch Ủy ban Nhân dân xã Ia Đal pà gi\t, do là nam dơ\ pe gơnoar atbồ xã bơyai lơh niam Ngai chờ kơnâm mbar tơlir sa tềp tiah nhàr lơgar bềng nùs nhơm tam klac bal đah ling klàng mờ làng bol.

Broă lơh do jơnau kờ` là dong kờl ală hìu r[ah, hìu mờr ndrờm bè hìu r[ah, ală hìu bơnhă kue\t kơlte, ơm kis is ờ geh anih kơldìng, geh rài kis kal ke ờ hềt geh tơl phan bơna nàng sa tềp wa\ rò sơnam pa chờ hờp, ram mhu\. Tàm 2 nam pa do mờ tus nam dơ\ pe den bol a` neh bơyai lơh niam broă lơh do mờ hòi jà tă pơgồp geh priă jền là rlau 3 tơmàn 500 rbô đong ai broă lơh do in.

Tơnơ\ broă lơh sơnđờm bơh xã Ia Đal dê, Ngai chờ kơnâm mbar tơlir sa tềp tiah nhàr lơgar bềng nùs nhơm tam klac bal đah ling klàng mờ làng bol kàl prang bồ sơnam pa Kỷ Hợi 2019 geh càr Kon Tum bơyai lơh dùl ròt bal tàm ală thôn, [òn bơh 13 xã, gơ wèt 4 kơnhoàl jat gơl gùng tiah nhàr lơgar rềp bal mờ 2 lơgar gơ\p bơyô: Lào mờ Campuchia. Là mpồl ling tus bal jơh nùs ngan broă lơh do, Thượng tá Phạm Văn Lâm, Phó Kuang atbồ Chính trị Mpồl ling sền gàr tiah nhàr lơgar càr Kon Tum pà gi\t.

Đảng ủy Gah đơng lam mpồl ling sền gàr tiah nhàr lơgar càr neh dong kờl ai tơl pôs đồng ling sền gàr tiah nhàr lơgar in 200 ki\ mbar mơkung dong kờl ală phan ndai nàng ală Pôs đồng ling sền gàr tiah nhàr lơgar in dong kờl ală thôn, [òn tàm ù tiah ală xã tiah nhàr lơgar in klơm, tru\ gơm kơnâm mbar mờ tam pà ai làng bol in nàng lơh geh nùs nhơm rài kis sa tềp wa\ rò sơnam pa ờs mờng bơh yau jơi bơtiàn he dê tàm ù tiah nhàr lơgar.

Tàm ù tiah ală xã tiah nhàr lơgar, ală Pôs đồng ling sền gàr tiah nhàr lơgar ai kuang bàng, cau ling, ală mpồl kuang bàng tus lơh broă tàm ală [òn lơgar bal mờ làng bol nàng klơm bal, tru\ gơm bal kơnâm mbar mờ tam pà ai làng bol in.

Cau mblàng Lơ Mu K’Yến