VOV4.K’ho- Tàm càr Kon Tum bơh ngai 05/10 tus ngai 06/10, gah lơh sơnơm tiah do dê sùm sền gŏ ală cau bơtờp kòp mờ bơtờp wơl mờ virus Sars CoV-2. Do ndrờm là ală làng bol rê is bơh càr Bình Dương. Ngan ngồn, tàm ngai 06/10, neh geh 4 nă cau geh gah lơh sơnơm càr Kon Tum sền gŏ bơtờp mờ virus Sars CoV-2.

Làng bol rê is bơh tiah kòp tiah đah Jum dà lơgar  rê tàm ƀòn tus anih gròi sền kòp sồ 1 Sao Mai, ƀòn dờng Kon Tum

Tàm 4 nă cau F0 geh 2 nă cau ơm tàm xã Pô Kô, kơnhoàl Đăk Tô. 1 cau ơm tàm xã Đăk Kan, kơnhoàl Ngọc Hồi mờ cau gam wơl den ơm tàm hìu tàm xã Đăk Ngọc, kơnhoàl Đăk Hà. Ală cau F0 do ndrờm neh geh jun ai ơm yah ngài tơrgùm bal bơh tŭ bơh càr Bình Dương rê tus Anih gròi sền kòp sồ 1 Sao Mai, ƀòn dờng Kon Tum tàm ngai 04/10 pa do. Tàm ngai 05/10, gah lơh sơnơm càr Kon Tum kung neh sền gŏ 12 nă cau bơtờp wơl mờ virus Sars CoV-2. Ală cau do neh geh sơm kòp Covid-19 tàm Bình Dương, rê is tàm càr mờ geh gròi sền tàm Anih gròi sền kòp sồ 1 Sao Mai, ƀòn dờng Kon Tum. Kon Tum tŭ do là càr mìng dùl lơm tàm tiah Tây Nguyên ờ hềt sền gŏ ală cau kòp Covid-19 tàm mpồl bơtiàn.

Cau mblàng K’Hạnh