VOV4.K’ho – Tơngai duh, trồ tiah ro kơn ra` jo\ jòng lơh git nđờ rhiang rbô lồ brê tàm càr Kon Tum digơlan gơbàn ồs sa uă ngan. Kờ` rơcang sơndră ồs sa brê, gơnoar atbồ mờ gah lơh broă geh gơ noar càr Kon Tum bơ tơl tai mpồl lơh broă ai broă lơh rơcang sơndră ồs sa brê.

Gơwèt mờ ală kơnhoàl gam geh jơnau đơs lài ồs sa brê khà ngòt rơngơt là Đăk Hà, Sa Thầy, Ia H’Drai, Kon Braih, Đăk Tô, Ngọc Hồi, Đăk Glei mờ [òn dờng Kon Tum, mpồl lơh broă làm gah kấp kơnhoàl sùm lòt sền, chul chồl broă lơh rơcang sơndră ồs sa; sơlơ atbồ broă lơh chu tơdau lơh mìr bơh làng bol dê; sồr ală cau tờm brê ai cau ơm gak mờ rơcang lài mpồl dong kờl tu\ gơlik geh ồs sa brê. Kơnờm bơh hơ\ tàm ală ngai do tàm ală kơnhoàl Kon Plông, Kon Braih mờ Đăk Hà neh gơlik geh ờ uă bă ồs sa brê mơya geh mpồl lơh broă git go\ mờ pùh chơt di tu\.