VOV4.K’ho- Tiah tờm yal tơnggit tơrluh ù mờ đơs lài ñsừc dờng dà lềng- Viện Vật lý Địa cầu (Viện Hàn lâm Khoa học mờ Công nghệ Việt Nam) pà git, tàm tŭ 3 jơ 18 phuk drim ngai 05/5, dùl dơ̆ tơrluh ù pràn 2,6 đồ richter neh gơlik geh tàm kơnhoàl Kon Plông, càr Kon Tum. Khà aniai kấp 0. Kung jat cih dờp bơh Tiah tờm yal tơnggit tơrluh ù mờ đơs lài ñsừc dờng dà lềng dê, tàm ală ngai do, tàm càr Kon Tum, sùm gơlik geh ală dơ̆ tơrluh ù.

Mùl màl, tàm ngai 04/5, dùl dơ̆ tơrluh ù pràn 3,0 gơlik geh tàm kơnhoàl Kon Plông. Ai lài hơ̆, tàm ngai 02/5, kung tàm kơnhoàl Kon Plông sơl neh gơlik geh 2 dơ̆ tơrluh ù. Ngai 01/5, kung neh geh 2 dơ̆ tơrluh ù gơlik geh tàm kơnhoàl Kon Plông. Bè hơ̆, mìng kờp is bơh bồ nhai 5 tus tŭ do, Kon Tum neh geh 6 dơ̆ tơrluh ù. Tiah tờm yal tơnggit tơrluh ù mờ đơs lài ñsừc dờng dà lềng- Viện Vật lý Địa cầu kung gam pơn jat tai sền gròi ală dơ̆ tơrluh ù do.

Cau mblàng K’Duẩn