VOV4.K’ho- Tềng đăp mờ bơta kal ke bơh kòp Covid-19 tàm ƀòn dờng Hồ Chí Minh, càr Kon Tum neh lơh jăt broă uă broă lơh nàng sền gròi, kơrian gơtờp kòp Covid-19 gơmŭt tàm càr do.

Bơto sồr làng bol tàm broă yal broă lơh sơnơm tềng anih sền gròi Sao Mai, gùng 14, ƀòn dờng Kon Tum, càr Kon Tum

Bơh ngai 31 nhai 5, càr Kon Tum neh ơm ing jơh ală broă pơn diang năc bơh càr lòt mờ rê tus ƀòn dờng Hồ Chí Minh (mìng ală cau kuơ màng). Ală rơndeh geh gùng lòt gan ƀòn dờng Hồ Chí Minh den ờ geh ơm, tơmù ha là rò năc, saò sa ơm rơlô tàm càr. Ală tiah tàm càr Kon Tum kung sền wơl jơh ală cau rê bơh ƀòn dờng Hồ Chí Minh tus, ơm, rê bơh ngai 18 tus ngai 29 nhai 5. Nàng rơcang kơrian kòp Covid-19 gơtờp, tơngŏ mờ gơtờp tàm càr, bơh 12 jơ ngai òr (01/06), càr Kon Tum pơn jăt tai tơnguh jơnau yal sơndră, tam dră mờ kòp Covid-19 tàm càr tus khà jơnhoa ngan.

Cau mblàng Ndong Brawl