VOV4.K’ho- Drim òr (25/08), Đảng bộ, gơnoar atbồ bal mờ làng bol xã Chư Hreng, ƀòn dờng Kon Tum neh dờp kơrnoăt bơh UBND càr Kon Tum dờp xã geh tơl khà ƀòn lơgar pa.

                    Ala măt xã Chư Hreng dờp kơrnoăt geh khà ƀòn lơgar pa bơh UBND càr Kon Tum jào

Tơnơ̆ mờ rơlao 10 nam lơh jăt sùm jơnau kờñ bơ̆t bơtàu ƀòn lơgar pa, xã Chư Hreng, ƀòn dờng Kon Tum geh tơl 19 tàm 19 khà broă mờ uă cồng nha geh pơnrơ ngan bè: Kờp jơh khà kờp làng bol geh broă lơh sùm tàm sơnam lơh broă geh 99%; khà hìu rơƀah mìng gam 2,55%; priă geh tơl nă cau pah nam rơlao 41 tơlăk 400 rơbô đong. Mờ broă xã Chư Hreng geh dờp geh khà ƀòn lơgar pa, tus tŭ do ƀòn dờng Kon Tum geh 7 xã ƀòn lơgar pa mờ do là xã ƀòn lơgar pa dơ̆ 29 càr Kon Tum dê.

Cau mblàng Ndong Brawl