VOV4.K’ho - Ngai òr (21/09), tềng anih gròi sền kòp sồ 1 Sao Mai, mpồng hờ đah jum mŭt tàm càr Kon Tum, mpồl lơh broă geh gơnoar càr Kon Tum bơh broă xét nghiệm mhar gŏ 2 nă cau geh gŏ mờ virus Sars CoV-2.

Ală cau geh tìp rềp mờkung neh geh ai mờ ngui broă bơsong di pal, gàr niam càr Kon Tum gam ờ geh cau gơtìp mờ kòp Covid-19 tàm mpồl bơtiàn. Bàr nă cau bơh broă xét nghiệm mhar gŏ mờ virus Sars CoV-2 là cau măi rơndeh N.V.T, 33 sơnam kis tàm càr Bình Định, lơh broă tàm ƀòn dờng Hồ Chí Minh mờ cau lòt bal là H.V.T (ờ hềt git loh ƀòn tờm ơm kis). Tơnơ̆ mờ tŭ gŏ geh 2 nă cau geh gŏ mờ virus Sars CoV-2, mpồl lơh broă geh gơnoar tềng anih gròi sền kòp gơtờp Sao Mai neh bơyai lơh wàng se, sồr ală cau lơh broă bal mờ làng bol gam lơh sră nggal tềng anih gròi sền bañ lik bơdìh. Bè hơ̆ tus tŭ do càr Kon Tum neh gŏ 29 nă cau geh gŏ mờ virus Sars CoV-2 mờ ndrờm geh tam cah is sơm kòp tơn tŭ mŭt tàm càr. Càr Kon Tum tŭ do ờ hềt geh gŏ cau gơtìp mờ kòp Covid-19 tàm mpồl bơtiàn.

Cau mblàng Ndong Brawl