VOV4.K’ho – Tàm càr Dak Lak neh geh ală dơ\ mìu ờ di kàl, geh bal mờ kơ nàs còng, càl pồt pràn, lơh aniai tus gùng che đèng tàm càr. Tềng đap jơnau đơs lài bè trồ tiah gơlik geh kal ke, Kong ti ồs đèng Dak Lak neh rơcang lài bè cau lơh broă mờ phan bơna kờ` di tu\ bơsong bơta ờ niam tu\ gơlik geh bơta aniai.

Kong ti ồs đèng Dak Lak tu\ do gam atbồ rlau 11 rbô 110 kơi sồ gùng che đèng; tàm hơ\ geh rlau 4 rbô 700 kơi sồ gùng che đèng trung thế, rlau 6 rbô 300 kơi sồ gùng che đèng hạ thế, 6 trạm biến áp lơh kòn gùng mờ rlau 4 rbô 350 trạm biến áp dong pờ tơlik đèng bơ tơl.

 Kờ` rơcang lài sơndră mờ ală bơta digơlan gơlik geh, gàr niam gùng che đèng lơh broă sùm, ờ do ờ dă, Kong ti ồs đèng Dak Lak neh geh broă rơndap lơh rơcang sơndră trồ tiah lơh aniai gơ jat bal mờ bơta geh ngan bơh gah ồs đèng mờ [òn lơgar dê, tam pà kơnòl broă mùl màl ai ală cau tàm Mpồl rơcang sơndră trồ tiah lơh aniai mờ jòi dong kờl rềs àr bơh Kong ti dê; pơgồp bal mờ gơ noar atbồ tàm [òn lơgar lơh niam wơl tu\ gơlik geh bơta aniai.

Ồnh Huỳnh Văn Tường, Phó kuang atbồ phòng ờ do ờ dă, Kong ti ồs đèng Dak Lak pà git, kong ti geh broă rơndap lơh pờ đèng ai trạm biến áp pờ tơlik bơ tơl; rơcang lài đèng, gùng che đèng mờ lòt sền, lơh niam wơl, lơh kơ\ ală anih kuơ màng, rơcang tơl phan bơna rơcang lài.