VOV4.K’ho- Tềng đap broă gơlik geh kal ke bơh kòp bơtờp dê, càr Dăk Lăk neh lơh Hìu sơnơm ing sồ 2 geh 1 rbô 500 nơm jơ nờng kòp, lơh tàm Hìu bơsram Chính trị Dăk Lăk, sồ 1, gùng Nguyễn Lương Bằng, sơnah ƀòn Tân Hòa, ƀòn dờng Buôn Ma Thuột nàng sơm cau kòp Covid-19 in.

Gàr niam ai hìu sơnơm in mhar lơh broă, tàm 2 ngai, 31/10 mờ 01/11, Kong ti ồs đèng Dăk Lăk neh ai ală mpồl lơh broă sơbac mhar lòt sền, lơh niam, crap ồs đèng drơng hìu sơnơm ing sồ 2 in. Kong ti neh lơh niam wơl gùng che đèng tàm hìu, ala che dẫn hạ áp, tơnguh bơta pràn trạm biến áp tus 400kVA mờ rơcang lài tai dùl măi pờ tơlik ồs đèng rơcang lài. Tus 5 jơ mho ngai 01/11, broă lơh pờ tơlik ồs đèng ai hìu sơnơm in neh lơh gơs, rơcang tơl ală bơta nàng Hìu sơnơm in dờp cau kòp.

Cau mblàng K’Duẩn