VOV4.K’ho- Lơh jat jơnau hòi jà bơh Thủ tướng Chính phủ dê bè broă ai sơnơm vaccine rơcang sơndră kòp Covid-19 tus mờ tơl nă làng bol, kong ti ồs đèng Dak Nông neh dong kờl git nđờ rhiang tơlak đông tàm kes priă sơnơm vaccine rơcang sơndră kòp Covid-19 nàng tă pơgồp bơta pràn, sơmbat tê bal mờ gùt lơgar kơryan kòp dờng mờ rê wơl mờ rài kis bè ờs.

Mờ jơnau đơs kờñ pơyua “At tê bal kơryan kòp Covid-19”, kuang bàng, công nhân viên, cau lơh broă kong ti ồs đèng Dak Nông neh tă pơgồp rlau 200 tơlak đông tàm kes priă sơnơm vaccine rơcang sơndră kòp Covid-19 bơh càr dê. Bal mờ hơ̆, Kong ti neh lòt còp, pơn jờng, pà Hìu sơnơm ƀòn dờng Gia Nghĩa dùl nơm măi was khà duh să jan, phan lơh kloh khuẩn mờ git nđờ rhiang nơm chèu glòm muh mat. Kong ti neh pà Hìu sơnơm sơnah ƀòn Nghĩa Tân, ƀòn dờng Gia Nghĩa in 3 nơm măi was khà duh să jan ià tê mờ chèu glòm muh mat nàng kuang bàng, cau lơh broă in ngui tŭ lơh kơnòl broă.

Cau mblàng K’Duẩn