VOV4.K’ho- Rơcang mut tàm kàl mìu nhàc, Kong ty ồs đèng Dak Lak neh rơcang lài ală rơndap broă sơndră trồ tiah lơh aniai. Trồ tiah nam 2021 đơs lài geh uă jơnau gơlik geh ờ gơtùi git lài, den tàng, kong ty ồs đèng Dak Lak neh sơbac mhar pồ tơl mpồl cau đơng lam bồ, mpồl lam lài rơcang sơndră trồ tiah lơh aniai mờ jòi dong kờl rềs àr, tam pà kơnòl broă ngan ngồn ai tơl nă cau in.

Công nhân lơh niam wơl trạm biến áp lài mờ tơngai mìu càl rƀŭt dờng

Bơdìh hơ̆ tai gam geh ală mpồl lam lài tàm kấp hơđơm nàng kờñ rơcang sơndră mờ ală broă gơlik geh nisơna. Ală mpồl ồs đèng kung rơcang wil tơl phan bơna, măi mok rơcang lài nàng drơng broă lơh niam ală broă gơlik geh dùl bă di tŭ.

Pơlam tàp lơh niam wơl mhar gùng che ồs đèng gơtìp pă gơ jrong đèng tơnơ̆ mìu càl rƀŭt dờng

Pa do, tàm xã Buôn Triết, kơnhoàl Lak, ală mpồl ồs đèng Dak Lak neh bơyai lơh pơlam tàp rơcang sơndră trồ tiah lơh aniai mờ jòi dong kờl rềs àr, dong tơnguh pràn jak đơng pơlam mờ mờng chài bơsong tŭ bơta ờ niam gơlik geh tài bơh trồ tiah lơh aniai.

Cau mblàng K’ Hạnh