VOV4.K’ho- Tây Nguyên gam ơm tàm tu\ tơngai trồ tơngai uă ngan bơh kàl prang. Trồ tơngai duh jo\ jòng neh lơh dà cat tàm ù kung bè dà hơđang ù gơmù soat uă, uă tơrlung dà, broă lơh bơtơ\t r[òng dà, tơnau, dà dờng, dà croh neh soat jơh. Trồ prang dờng soat dà dờng ngan. Tàm kơnhoàl Buôn Đôn, càr Dak Lak, trồ prang dờng soat dà neh aniai uă ngan tus g^t nđờ rơhiang rơbô lồ chi tam mờ lơh rlau 1.500 hìu bơnhă ờ tơl dà ngui sa uă ngan.

Bàr xã Tân Hòa mờ Ea Nuôl geh mờr 2.700 hìu bơnhă den geh tus rlau 70% pal kong mờ bơta ờ tơl dà ngui sa uă ngan. Bi Vi Văn Định ơm tàm thôn 9, xã Tân Hòa, kơnhoàl Buôn Đôn pà g^t, dà tơrlung dùl lơm bơh hìu bơnhă dê neh soat bơh rlau 1 nhai do. Nàng geh dà ngui tàm hìu bơnhă bi pal lòt ngài mờr 5 kơi sồ pơn diang rê ngui. Mơya broă dan dà ờ go\ di tu\ lơi kung geh lài ờ.

 Lòt dan dà den mut tàm hìu geh tơrlung dà den he dan, khi [ồm dà tàm sơn tèk he  dan rê ngui. Dan jơh den kung pal ơn priă jền ồs đèng khi in [ồm dà he in pơgap 30-40 rơbô đong tàm dùl dơ\ dan. Tiah đah hìu a` den hìu bơnhă lơi kung lòt dan dà lơm, ờ geh dà den ai dà lơi nàng ngui. Ờ geh dà ngui tàm rài kis, sa sào, um, pìh phan den gơbàn kòp tàm kơltau uă ngan… Đơs ngan là ờ tơl dà ngui sa tàm kis den làng bol bòl glar ngan.

Nàng geh dà ngui, uă làng bol tàm xã Tân Hòa, kơnhoàl Buôn Đôn pal lòt g^t nđờ kơi sồ pơn diang dà rê ngui

Prang dờng ờ tơl dà ngui tàm rài kis uă ngan ờ mìng gơlik geh mờ ală hìu bơnhă, mờ uă hìu bơsram ơm sa ngai tàm hìu bơsram tàm kơnhoàl Buôn Đôn kung kong bal bơta bè do sơl.

Ùr pơgru Nguyễn Thị Cảnh, Hiệu trưởng Hìu bơsram mầm non Hoa Hồng tàm xã Tân Hòa pà g^t, tềng đap jơnau ờ tơl dà ngui sa pah ngai, hìu bơnhă neh hòi jà ală mè bèp tă pơgồp priă jền nàng blơi dà hùc ai kơnòm bơsram in; ai dà ngui pah ngai den pal lòt dan bơh ală hìu bơnhă tàm tiah do. Mơya ală khà dà do kung gam ờ uă sơl, tơngai tus dilah ờ geh mìu dờng den ờ g^t pal lơh bè lơi sơl.

 Hìu bơsram neh ờ tơl dà ngui sa mờr 2 nhai do bloh. Mờ pơgap rlau 300 nă kơnòm bơsram sa ơm sa ngai tàm hìu bơsram pah ngai kờ` pal ngui pơgap 5 tus 6 khối dà drơng broă ngui sa pah ngai, nàng geh dà bol a` pal lòt dan mờ ală hìu bơnhă rềp hìu bơsram den dong tơm priă ồs đèng. Dà drơng broă sào sa den pal blơi, bol a` neh lơh sră pơr gon blơi jat nhai nàng gàr niam bơta kloh niam ai ală sau in.

Dà cat tàm ù soat uă, uă tơrlung dà tàm Buôn Đôn gơmù dà soat uă rlau 100 thơk kung ờ geh dà sơl 

Jat Phòng Nông nghiệp mờ Phát triển Nông thôn kơnhoàl Buôn Đôn yal, den tus tu\ do, gùt kơnhoàl geh pơgap 3.000 lồ chi tam lơyah tơngai gơtìp trồ prang ro rơđò jơh, rlau 1.500 hìu bơnhă mờ rlau 6.200 nă cau, mờ g^t nđờ rơhiang nă kơnòm bơsram ơm sa ngai tàm hìu bơsram tàm 5 anih hìu bơsram gam pal kong mờ jơnau ờ tơl dà ngui uă ngan.

Mò Trần Thị Thủy, Phó trưởng phòng Nông nghiệp mờ Phát triển Nông thôn kơnhoàl Buôn Đôn pà g^t:

 Phòng neh sồr ală xã kờp sền wơl ală tiah neh geh tơrlung dà mpồl bơtìan nàng lơh niam wơl nàng broă lơh bơt bơtàu geh mut lơh niam drơng dà ai làng bol in ngui. Bơdìh hơ\ tai, den kung kờ` pal tơrgùm kờp ală tiah làng bol ơm kis ờ tơl dà ngui nàng lơh sră nggal yal mờ UBND kơnhoàl, sở Nông nghiệp in ai priă jền tờ tai tơrlung dà kung bè lơh ală sơn tèk dơng dà tơrgùm drơng làng bol in. Bơdìh hơ\ tai là bol a` kung mblàng yal ală làng bol bơtoah geh dà ngui tàm tu\ trồ prang tam pà bal mờ ală hìu bơnhă kal ke ndai.

Jat bơta mờng chài bơh uă cau tàm Tây Nguyên dê, tus àng ndar me nhai 3 jat nhai he mờ kung gam ờ hềt geh mìu den trồ prang dờng soat dà geh pơn jat tai tus àng ndar me nhai 4. Àng ndar me nhai 3 neh tus rềp, uă ngan cau kơ\p gơn trồ mìu nàng tơn jơh trồ prang dờng soat dà.

Cau mblàng K’ Hạnh