VOV4.K’ho - Gam tàm tơngai duh ngan bơh tàm kàl prang dê, bơta kờ` ngui ồs đèng tàm rài kis mờ tàm broă lơh sa, [ồm dà chi tam in tàm làng bol kơnhoàl Cư\ Mgar, càr Dak Lak dê gam gơguh uă ngan.

Gah lơh broă ồs đèng kơnhoàl Cư\ Mgar, gơ wèt kông ty ồs đèng Dak Lak, neh rcang lài lơh tơn dơ\ le\ bal ală broă lơh kờ` gàr niam ai ồs đèng ờ do ờ dă mờ ring niam ai cau ngui in. Bal mờ hơ\, ròt che đèng geh mpồl lơh broă lơh sùm pờ ơ nàng, den di pal mờ niam ngan mờ jơnau kờ` ngui đèng ai jơh mpồl làng bol ơm tàm tiah sar lơgar ngài in tàm kơnhoàl do dê.

            Hìu bơnhă ồng Hoàng Xuân Bắc, ơm tàm [òn Hiệp Hoà, xã Quảng Hiệp, kơnhoàl Cư\ M’gar geh 1.400 tờm kơphê mờ rlau 600 jrong tiêu gam tàm tơngai tơnhào.

         Ală nam lài, bulah geh đèng mơya hìu bơnhă tài ơm tàm lồi [òn den tàng đèng ờ go\ pràn, broă [ồm dà ai chi tam in tìp kal ke sùm, pal ngui ma\y [ồm mờ zờu den priă tă uă ngan.

Ồng Hoàng Xuân Bắc pà g^t, kal ke hìu bơnhă ông dê bal mờ làng bol tàm [òn Hiệp Hoà neh geh bơsong tàm bồ nam 2017 pa do, tu\ gah lơh broă Ồs đèng kơnhoàl Cư\ M’gar crap tai dùl trạm biến áp. Ồng Hoàng Xuân Bắc đơs:

            Bơh nam lài tus tu\ do, gah lơh ồs đèng neh crap tai trạm biến áp ai [òn Hiệp Hoà in, den ồs đèng tu\ do pràn ngan, hìu bơnhă a` ờ duh pal ngui ma\y [ồm dà mờ zờu tai, mìng sùm tuh dà mờ ồs đèng lơm. Dilah tuh dà mờ ma\y zờu, dùl jiơ jơh pơgap 40 rơbô đong mơya tu\ do tuh dà mờ ồs đèng mìng jơh 10 rơbô đong tàm dùl jiơ lơm. Ồs đèng pràn, làng bol tàm [òn ờ duh pal tuh dà mờ ma\y zờu tai.

   Kơnhoàl Cư\ Mgar, càr Dak Lak, geh pơgap 70 rơbô lồ chi tam. Tàm hơ\, geh 45 rơbô lồ kờ` pal tuh dà sùm tàm kàl prang do, ngan là tờm tiêu mờ kơphê. Nàng kờ` ai tơl khà đèng drơng broă lơh sa in, gah lơh broă Ồs đèng Cư\ M’gar neh lơh uă broă lơh bè: kờp sền wơl ròt che đèng, crap tai ală trạm biến áp, tơr bo\ tai g^t nđờ rơhiang nơm công tơ drơng broă tuh dà tàm ală xã, bè : Ea Mroh, Ea Kiêt, Quảng Hiệp, thị trấn Quảng Phú mờ Ea Pôch…Mpồl lơh broă kung neh lơh broă ngai mang nàng bơsong tơn ală bơta ờ niam, mblàng yal tơng^t làng bol in ngui ồs đèng tềm pềr. Bi Nguyễn Chi Phương, Kuang bàng lơh broă kỹ thuật gah lơh broă Ồs đèng Cư\ M’gar dê pà g^t:

            Bồ kàl prang tàm pơgap nhai 12 nam 2017 mờ nhai 1 nam 2018, bol a` neh lam lòt sền ală trạm biến áp, tơrbo\ mờ crap pa tai uă trạm biến áp nàng drơng broă tuh dà phan tam in, mờ drơng broă tàm rài kis làng bol dê. Kuang bàng lơh broă ồs đèng kung tus tơn tàm [òn bơyai lơh pà pang sră mblàng yal ai ală hìu bơnhă lơh broă sa in, bơto pơlam làng bol tuh dà tàm ală jiơ ờ hoan geh cau ngui, tàm trồ mang bơh 10h mang tus àng drim, pleh tuh dà tàm jiơ uă cau ngui nàng drơng broă ngui sa làng bol in.

Nàng gàr niam geh tơl khà đèng mờ kơl jap, gah lơh broă ồs đèng Cư M’gar neh crap tai ală trạm biến áp drơng broă tuh dà chi tam in tàm kàl duh nam 2018.

            Tu\ do, gah lơh broă ồs đèng Cư\ M’gar drơng broă pơgap 49 rơbô nă cau ngui đèng in, bal mờ khà đèng ai mờr 107 tơlak kilo oat jiơ tàm dùl nam, priă lơh geh tàm nam 2017 geh mờr 176 tơmàn. Mờ 589 nơm trạm biến áp, rlau 1.300 kơi sồ gùng che đèng trung thế mờ hạ thế ơm tàm 2 cấp là 22 kilôvôn mờ 0,4 kilôvôn, ală gùng che đèng mpồl lơh broă dê sền bal neh di pal mờ jơnau kờ` ngui đèng bơh cau ngui dê.

Kờp tus jơh nam 2017, gah lơh broă Ồs đèng Cư\ M’gar kung neh lơh ai ồs đèng tus 100% ală xã, thị trấn, tiah sar lơgar ngài bơh kơnhoàl dê geh gùng che đèng dà lơgar.

Cau cih mờ yal tơng^t K’ Hạnh