VOV4.K’ho – Tơnơ\ 3 ngai Anih jơnau đơs Việt Nam geh jơnau đơs bè broă kuang bàng xã, [òn tàm xã Kon Đào, kơnhoàl Đak tô, càr Kontum cih is mat 32 hìu nhă làng bol tam kơphe gơtìp hoàc huơr tài bơh trồ prang dờng soat dà lơh aniai tàm nhai prang nam 2015 – 2016 lơh gơbàn ờ suk tàm mpồl bơtiàn, UBND kơnhoàl Đak Tô neh geh sră ngagl sồr anih lơh broă geh gơnoar tàm xã sền sơwì wơl jơh broă cih mat mờ tă tong priă dong kờl hoàc huơr tài trồ prang dờng soat dà lơh gơbàn tàm ală xã, thị trấn.

UBND kơnhoàl Đak Tô sồr sền gròi broă kờp sền, cih mat mờ tă tong priă dong kờl hoàc huơr tài trồ prang dờng soat dà lơh gơbàn tàm ală xã, thị trấn, lơh jơh mờ yal UBND kơnhoàl in lài mờ ngai 25/10 do mờ dilah geh ală broă lơh tìs den ai tơlik broă bơsong. Gơwèt mờ ală broă lơh tìs gơlik geh tàm xã Kon Đào, ala mat Phòng Nông nghiệp mờ Phát triển nông thôn kơnhoàl Đak Tô dờp, neh ờ geh kơnòl tàm broă sền sơwì, sền gròi den tàng neh lời gơlik geh bơta do.