VOV4.K’ho – Tơnơ\ mờr 1 nhai gơtìp càl rbut dờng sồ 12 lơh aniai, làng bol kơnhoàl Krông Bông, 1 tàm ală tiah tàm càr Dak Lak gơtìp hoàc huơr kơn jơ\ ngan rơlao jơh, bơh sơn rờp neh gàr bè ờs wơl rài kis, bơt bơtàu wơl broă lơh sa, rơcang wă rò sơnam pa mờ nùs nhơm chờ hờp.

Tơngai lài, kơnhoàl neh dờp geh uă bơta dong kờl bơh ală mpồl lơh broă - mpồl bơtiàn tàm càr mờ bơdĩh càr. Bal mờ phan sa, àu mpha, phan ngui kuơ màng, ală cau geh nùs nhơm niam neh dong kờl làng bol rơlao 1 tơmàn 200 tơlak priă. Mpồl ling, mpồl ơruh pơnu lơh broă dong kờl is kung neh dong làng bol lơh wơl hìu đam, hời rơ hời gàr niam wơl rài kis.

UBND kơnhoàl Krông Bông pơn jat tai tă 200 tơmàn priă nàng dong làng bol lơh niam wơl hìu ơm, pà phan ngui kuơ màng nàng sơr lèt gan kal ke, hời rơ hời gàr niam wơl rài kis.