VOV4.K’ho- Tàm kơnhoàl Lak, càr Dak Lak, pah nam tơnơ\ dơ\ rlô sa tềp uă kơnòm bơsram tàm tiah sar lơgar ngài, sùm sang te\ bơsram lòt tàm tiah ndai lơh  broă ơpah. Nam do, bơta kơnòm bơsram tơnơ\ dơ\ rlô sa tềp lòt lơh broă tàm càr ndai gơmù uă, do là broă lơh ngan bơh gah lơh broă bơto bơtê kơnhoàl Lak dê tàm broă gàr niam khà kơnòm bơsram lòt bơsram.

Uă nam do, pah dơ\ sa tềp dà lơgar ală kơnòm bơsram bơh ơdu\ 6 tus ơdu\ 9 bơh hìu bơsram kâp hai Chu Văn An, xã Yang Tao, kơnhoàl Lak, den sang te\ bơsram sră tai. Mơya nam do jơnau do neh jơh. Ală ơdu\ sùm gàr niam khà kơnòm bơsram 95%. Uă ơdu\ ală kơnòm bơsram neh lòt bơsram tơl.  

Oh Rcăm H’Nari Mlô, bơsram ơdu\ 9B, hìu bơsram kâp hai Chu Văn An, xã Yang Tao, kơnhoàl Lak yal: Ngai rlô sa tềp ală gơ\p bơyô jà jơh rlô sa tềp den lòt lơh broă mơya uă bơyô ờ iăt, mờ pơn jat tai lòt bơsram. Tài bơh lài hơ\, uă bơyô tàm [òn sùm sang te\ bơsram sră lòt [òn dờng Hồ Chí Minh lơh broă ơpah ai cau ndai in, mơya broă lơh bòl glar ngan mờ priă nhai den ờ uă.

Hìu bơsram kung mblàng yal sơl bè broă lòt lơh broă tàm Sài Gòn ờ hoan geh priă, mờ gam gơtip cau ndai rồn bơklơn să jan lơh broă. Ai tàm tu\ lòt bơsram den geh hìu bơsram pơlam broă lơh, bơh hơ\ dong ală cau bơsram in niam rlau tai mờ tơnơ\ do geh broă lơh kơl jap rlau tai.

Kơnòm bơsram hìu bơsram kâp hai Chu Văn An lòt bơsram wơl tàm cơl du\ tơnơ\ dơ\ rlô sa tềp  

Jat ùr pơgru Lê Thị Hợi, atbồ ơdu\ 9B, hìu bơsram kâp hai Chu Văn An đơs: uă ngan ală kơnòm bơsram ơdu\ 8, ơdu\ 9 sùm gơtìp jà mờ pơn jồ sang te\ bơsram halà ơm tàm hìu nàng bau. Geh g^t nùs nhơm bơh ală oh dê den cau pơgru sùm rcang broă rơndap lơh nàng gờ` hòi jà ală oh rê bơsram wơl.

 Mè bèp bal mờ cau pơgru kơ\p kờ` ngan oh kòn geh lòt bơsram, mơya mìng is kơnòm bơsram neh gơtìp cau pơn jồ den tu\ lơi tìp cau pơgru tus là dô mpồn halà lòt tiah ndai. Dilah cau pơgru ờ jơh nùs den ờ gơtùi tìp mờ kơnòm bơsram. Mìng is nam do mờ 2 nam pa do jơnau kơnòm bơsram sang te\ bơsram lòt lơh broă tàm Sài Gòn gơmù uă ngan.

 Hìu bơsram kâp hai Chu Văn An, tu\ do geh 420 nă cau bơsram, tàm hơ\ geh 97% là kơnòm bơsram kòn cau  M’nông. Jat jơnau kờp sền bơh hìu bơsram bơh nam bơsram 2015 tus nam 2018, gùt hìu bơsram geh 69 nă kơnòm bơsram bơh ơdu\ 6 tus ơdu\ 9 sang te\ bơsram lòt lơh broă tơnơ\ dơ\ rlô sa tềp.

Ồng Đậu Đức Liên- Hiệu trưởng hìu bơsram pà g^t: nàng tơrmù uă ngan jơnau kơnòm bơsram sang te\ broă bơsram sră lòt lơh broă tơnơ\ rlô sa tềp, den lài mờ tu\ sa tềp mờ tàm dơ\ sa tềp Hìu bơsram sùm pơgồp bal niam mờ Mpồl atbồ is tàm [òn, cau kra [òn, cau geh bơngă pin dờn nàng g^t broă bơh ală oh dê.

Cau pơgru atbồ ơdu\ pah ngai là pal yal jơnau broă kơnòm bơsram nàng g^t mờ tas tàm [òn mblàng yal mờ hòi jà. Dilah geh broă kơnòm bơsram ơm bơsram lòt lơh broă tàm tiah ngài pal yal di tu\ tơn mờ Ban Giám hiệu.

Cau lơi tus pơn jờng tìp mat mờ mè bèp mờ kơnòm bơsram dilah gam ờ hềt g^t wă, halà kung gam kơl dang nùs lòt, hìu bơsram sơrbac mhar pơyoa sră cih mat kơnờm Đảng ủy, UBND xã đơng lam kuang àng lòt tus tàm ală blàng rơndeh ơm nàng hòi jà ală oh. Tus tu\ do bè nam do, khà kơnòm bơsram sang te\ bơsram sră nàng lòt lơh broă ết ngan.

Bơdìh mờ Hìu bơsram kâp hai Chu Văn An den uă hìu bơsram ndai tàm kơnhoàl Lak kung sùm ai cau pơgru tus tàm ală thôn, [òn jòi g^t jơnau ală oh ờ hềt lòt bơsram wơl tàm ơdu\ tơnơ\ dơ\ sa tềp.

Ồng Nguyễn Ngọc Thịnh- Kuang atbồ phòng Giáo dục mờ Đào tạo kơnhoàl Lak đơs ngan: Bơh khà kờp sền bơh ală hìu bơsram pơyoa den tu\ do ờ hềt geh kơnòm bơsram lơi sang te\ bơsram nàng lòt lơh broă tàm ală càr ndai. Phòng neh đơng lam ală hìu bơsram sùm ơm rềp mờ cau bơsram tàm hìu bơsram he dê nàng hòi jà ală oh tus hìu bơsram.

Gah Giáo dục mờ Đào tạo kơnhoàl Lak neh crơng gơs Mpồl rcang sơn dră kơnòm sang te\ bơsram mờ lòt tiah ndai. Cribơyai mờ UBND kơnhoàl, Huyện ủy ai ală sră nggal, chỉ thị tus tàm xã. Nam bơsram do, jơnau kơnòm bơsram sang te\ bơsram tàm tu\ tơngai gam bơsram, ngan là tơnơ\ dơ\  rơlô sa tềp nàng lòt lơh broă tàm ală càr ndai tu\ do neh jơh.

Jơnau kơnòm bơsram sùm sang te\ bơsram tơnơ\ rlô sa tềp nàng lòt lơh broă tàm tiah ngài là tài bơh lài do geh uă cau bơh [òn dờng Hồ Chí Minh rê pơn jồ. Bal mờ hơ\, bàr pe hìu bơnhă ală kơnòm g^t wă gam ờ hềt uă den pơn jờng ai oh kòn in ơm bơsram nàng lòt lơh broă jòi priă jền.

Mơya, kơnờm bơh jơnau mblàng yal, hòi jà bơh gah bơto bơtê, kơnhoàl Lak, càr Dak Lak neh lơh geh cồng nha tàm broă gàr niam khà kơnòm bơsram lòt bơram sră tàm tiah sar lơgar ngài.

Cau mblàng K’ Hạnh