VOV4.K’ho - Tơnơ̆ mờ tŭ geh gŏ mpồl 7 nă cau F0 tàm mpồl bơtiàn ƀòn dờng Kon Tum, ngai òr (24/10), UBND càr Kon Tum neh ring bal mờ jơnau dan bơh Sở Giáo dục mờ Đào tạo ai kơnòm bơsram tàm ƀòn dờng Kon Tum ơm ờ lòt bơsram tơrgùm bal mờ geh kơrnoăt crơng gơs broă tam cah is lơh sơnơm tàm tiah gơtìp kòp Covid-19 tàm mpồl bơtiàn.

                                  Kuang đơng lam UBND ƀòn dờng Kon Tum sền broă lơh tiah tam cah is

Jăt mờ hơ̆, bơh ngai do 25 nhai 10, jơh ală hìu bơsram tàm ƀòn dờng Kon Tum ơm ing bơto bơsram tơn tàm ơdŭ. Ală kơnờm bơsram geh ơm tàm hìu bơsram pờ tơlik tàm internet mờ ală broă bơsram ndai di pal. Broă lòt tus wơl hờ hìu bơsram nàng bơsram tơrgùm bal bơh ală kơnòm bơsram gơrềng tàm bơta bơh kòp Covid-19 tàm ƀòn dờng Kon Tum dê. Gơrềng tus mờ mpồl 7 nă cau F0 pa geh gŏ tàm mpồl bơtiàn ƀòn dờng Kon Tum, UBND càr Kon Tum neh tơlik kơrnoăt crơng gơs broă tam cah is lơh sơnơm tiah gơtìp kòp tàm Mpồl 6, sơnah ƀòn Quang Trung, ƀòn dờng Kon Tum nàng rơcang sơndră mờ kòp Covid-19. Hìu sơnơm ƀòn dờng Kon Tum lài ngan neh gŏ 113 nă cau là F1, 168 nă cau là F2.

Cau mblàng Ndong Brawl