VOV4.K’ho- Tàm 2 ngai bơh ngai 30 tus ngai 31 nhai 8, kơnòm bơsram khối ơdŭ 1 tàm càr Dăk Nông neh sơnđờm tus hìu bơsram nam bơsram pa 2021-2022 jat broă lơh ai ơm yah ngài nàng kờñ gàr niam broă rcang sơndră kòp Covid-19. Kơnòm bơsram geh wă bơh mpồng mut hìu bơsram dê, rào tê mờ dà lơh kloh khuẩn mờ was đo să jan lài mờ tŭ mut tàm ơdŭ. Jơh ală mè bèp kơnòm bơsram, Kuang bàng, cau pơgru ndrờm lơh jat niam jơnau sồr 5K.

Kơnòm bơsram geh rào tê mờ dà lơh kloh khuẩn, was đo să jan lài mờ tŭ mut tàm hìu bơsram

Nam bơsram 2021 - 2022, gùt càr Dăk Nông geh rlau 182 rơbô nă kơnòm bơsram ală kấp. Tàm hơ̆ geh 38 rơbô nă kơnòm bơsram kấp mầm non, rlau 72 rơbô nă kơnòm bơsram kấp dùl, 48 rơbô nă kơnòm bơsram kấp bàr mờ mờr 23 rơbô nă kơnòm bơsram kấp pe mờ pơgap 1 rơbô nă kơnòm bơsram tàm ală Trung tâm giáo dục thường xuyên. Tơnơ̆ khối ơdŭ 1, bơh ngai do 1/9, kơnòm bơsram ală khối ơdŭ ndai tàm Dăk Nông geh pơn jat tai tus hìu bơsram jat broă lơh ai ơm yah ngài. Mìng is khối mầm non ờ bơyai lơh tus hìu bơsram, mìng wă kơnòm dềt lòt bơsram tơnơ̆ ngai 5/9.

Cau mblàng K’Hạnh