VOV4.K’ho-Bơh nam 2011, tu\ broă tơm priă drơng broă sền gàr brê geh lơh ngan ngồn, ală hìu măy pờ tơlik ồs đèng pal lơh tài dùl kơnòl broă, hơ\ là tơm priă drơng broă sền gàr brê bơh broă ngui dà. Bơnah priă tă pơgồp do là bơnah priă kuơmàng ngan nàng ală tiah lơh broă atbồ, sền gàr mờ bơtàu tơnguh brê. Bơta geh ngan tàm bàr pe Hìu măy pờ tơlik ồs đèng tàm càr Kontum.

Công ty Thủy điện Ia Ly, gơ wèt Tập đoàn Ồs đèng Việt Nam dê tu\ do gam atbồ 3 hìu măy pờ tơlik ồs đèng tàm hiòng dà dờng Sê San là, hìu măy pờ tơlik ồs đèng Ia Ly, hìu măy pờ tơlik ồs đèng Plei Krông mờ hìu măy pờ tơlik ồs đèng Sê San 3, gơ wèt ù tiah bàr càr Kontum mờ Gialai.

Kờp jơh pràn lơh gơlik ồs đèng bơh 3 hìu măy do dê là 1080 MW, ồs đèng lơh geh kờp bal pah nam pơgăp 5 tơmàn 300 tơlak KWh. Do là công ty geh ồs đèng lơh geh ơm dơ\ 4 gùt lơgar, tă pơgồp kuơmàng ai gùng che ồs đèng dà lơgar in.

Jat ồng Lê Văn Thuyết, Phó Kuang atbồ Công ty Thủy điện Ia Ly yal, công ty sùm lơh jat niam broă lơh jat kơnòl broă priă jền bè tơm priă sền gàr brê geh cih tàm Nghị định 99 bơh Chính phủ dê.

 Mùl màl, bơh nam 2014 tus năm 2016, công ty neh jàu Kes priă sền gàr mờ bơtàu tơnguh brê Việt Nam mờ bàr càr: Kontum mờ Gialai in rlau 270 tơmàn priă. 9 nhai bồ nam 2017 do, priă tơm priă sền gàr brê mờ công ty neh jàu kung neh gơguh tus 77 tơmàn. Ồng Lê Văn Thuyết, đơs:

“Tu\ do, sră pơrgon jàu kơnòl den bol a` neh ki\ mờ Kes priă sền gàr bơtàu tơnguh brê Việt Nam ai rơndăp broă lơh Hìu măy pờ tơlik ồs đèng Sê San 3 mờ Hìu măy pờ tơlik ồs đèng Ia Ly in, tài bơh bàr rơndăp broă lơh do geh hiòng dà gơ ơm tàm ù tiah bàr càr.

 Ai rơndăp broă lơh Hìu măy pờ tơlik ồs đèng Plei Krông den bol a` ki\ mờ Kes priă sền gàr bơtàu tơnguh brê càr Kontum. Pah nam, bol a` pơgồp bal mờ ală kes priă do tàm broă lơh kơnòl broă jàu priă ai kes priă in di tơngai. Tàm ală nam do, broă lơh do bol a` sền go\ là lơh [ươn, loh làng, song dơ pă ”.

Tàm ù tiah càr Kontum tu\ do geh 29 hìu măy pờ tơlik ồs đèng gam lơh broă, pal tă tơm priă drơng broă sền gàr brê bal mờ rlau 360 rbô lồ brê geh tă tơm priă, geh tus 60% bă brê geh is bơh càr dê. 10 nhai nam 2017 do, ală mpồl neh jàu tàm kes priă sền gàr mờ bơtàu tơnguh brê càr Kontum in mờr 120 tơmàn.

Bal mờ ală hìu măy pờ tơlik ồs đèng dờng, mpồl lơh broă gơ wèt dà lơgar dê, jơh ală mpồl lơh broă hìu măy pờ tơlik ồs đèng dềt, gơ wèt gah làng bol lơh is kung lơh jat niam dùl bă niam ngan kơnòl broă priă jền tu\ ngui dà nàng pờ đèng.

Ồng Nguyễn Đình Tuy, Tổng Giám đốc Công ty Thủy điện Đăk Rơ Sa, pà gi\t: công ty gam atbồ 2 hìu măy pờ tơlik ồs đèng tàm croh dà Đăk Tkan, dùl  sơne\ bơh bồ tô dà dờng Sê San dê, gơ wèt kơnhoàl Đăk Tô, càr Kontum bal mờ kờp jơh pràn lơh gơlik ồs đèng mờr 10 MW. Công ty neh lơh broă di 10 nam do mờ bơh tu\ geh broă lơh tơm priă drơng broă sền gàr brê, công ty ndrờm lơh jat di mờ lài mờ tơngai ai. Ồng Nguyễn Đình Tuy, đơs:

“Tàm 10 nam lơh broă, dà sền bal kung geh sùm, nàng geh tơl dà ai broă pờ đèng in. Pah nam, bàr hìu măy pờ tơlik ồs đèng pờ tơlik geh pơgăp 44 tơlak KWh, priă pal jàu Kes priă sền gàr mờ bơtàu tơnguh brê in là pơgăp 1 tơmàn, mờ công ty sùm jàu priă di tu\”.

Priă geh bơh drơng broă sền gàr brê geh tàm pà tus ală tiah brê bồ tô dà in, nàng tơm ală cau mờ mpồl cau lơh broă lơh atbồ mờ sền gàr brê in. Den tàng bè hơ\, bal mờ broă lơh jat tơl jơh kơnòl broă priă jền bè drơng broă sền gàr brê, ală hìu măy pờ tơlik ồs đèng tàm càr Kontum neh pơgồp bơnah kuơmàng tàm broă lơh geh tơl priă jền sùm ai ală broă lơh atbồ, sền gàr brê tàm càr Kontum in.

Cau cih mờ yal tơngi\t- Lơ Mu K’Yến