VOV4.K’ho- Jơh gùt càr Kontum tu\ do geh 23 mpồl cau tờm brê, 74 Ủy ban Nhân dân xã, thị trấn, rlau 3.600 hìu bơnhă mờ 22 [òn atbồ sền gàr rlau 360 rbô lồ brê geh tơm priă drơng broă sền gàr brê. Bơta geh ngan pà go\, broă lơh broă tơm priă drơng broă sền gàr brê gam lơh geh cồng nha bàr dơ\, hơ\ là brê geh sền gàr, bơtàu tơnguh mờ cau tờm brê, [òn lơgar, hìu bơnhă pah nam geh priă jền uă ngan ai broă lơh atbồ in kung bè lơh niam wơl broă lơh broă sa.

Geh Công ti jàu kơnòl atbồ mờ sền gàr 2 bă brê 744 mờ 748 mờ kờp jơh bă brê ơnàng rlau 2.200 lồ tàm ù tiah [òn 1, xã Ia Tơi, kơnhoàl Ia H’Drai, càr Kontum, bi Phùng Chí Mạnh, là cau atbồ sền gàr brê gơ wèt Trạm atbồ sền gàr brê kròng 270, Công ti Trách nhiệm hữu hạn Một thành viên lâm nghiệp Ia H’Drai, pà gi\t: Bơh bồ nam tus tu\ do, bă brê bơh bi atbồ mìng geh dùl dơ\ lơm dùl dơ\ làng bol pès chi dềt pơgăp 200 thơk vuông.

Kơnờm sền go\ di tu\, bal mờ broă lơh pràn mblàng yal làng bol [òn 1 in, làng bol neh gi\t wa\ geh lơh is ki\ hơ ờ go\ lơh tìs tai bơta boh lam adat sền gàr mờ bơtàu tơnguh brê. Mờ jơnau kuơmàng rlau tai là jat bi Mạnh, bơh tu\ geh broă lơh tơm priă drơng broă sền gàr brê, cau lơh broă tàm anih do geh tai bơta chờ hờp nàng atbồ sền gàr brê niam rlau tai: Bi Phùng Chí Mạnh, đơs:

“Oh mi lơh niam ngan broă atbồ mờ sền gàr brê, sùm lòt sền mờ gròi sền, sền nàng kờ` gi\t geh sơl hìu cau lơh mu\t sơgràm tàm ù brê halà ờ nàng hòi jà sồr cau lik bơh brê. Pah ngai lòt gùt dar mờ jat sền gùt dar bàr pe bă brê là a` lòt sền jơh. Oh mi lơh broă niam ngan, sền jơh ală bă brê”.

Tu Mơ Rông là kơnhoàl kal ke uă ngan bơh càr Kontum dê. Rài kis làng bol dê mờ uă ngan là làng bol kòn cau Sơdàng gam uă kal ke. Tài bơh priă lơh geh bơh làng bol dê uă ngan kơ nờm tàm broă lơh sa sươn sre, den tàng jơnau kờ` rề ơnàng bă ù lơh sa ngai sơlơ uă tai mờ jơnau do neh lơh gơlik bơta kơ` jơ\ kơ` ju\t ngan gơ wèt mờ bă brê geh is. Nàng sền gàr geh brê ờ geh bơta lơi niam rlau tai là ai làng bol in sền go\ bơta kuơ mờ brê cèng wơl ai hìu bơnhă mờ [òn lơgar in.

Ồng Vương Văn Mười, Phó Kuang atbồ Ủy ban Nhân dân kơnhoàl Tu Mơ Rông, pà gi\t, ngan bơh tu\ geh broă lơh tơm priă drơng broă sền gàr brê, mờr 12 rbô lồ brê tàm kơnhoàl do neh geh jàu ai rlau 800 hìu làng bol mờ [òn lơgar in, den brê neh geh atbồ mờ sền gàr niam rlau tai. Ồng Vương Văn Mười, đơs:

“Bơh ngai geh tơm priă drơng broă sền gàr brê, jơnau gi\t wa\ bơh làng bol dê geh tơnguh tai mờ gơ gơ jat bal mờ kơnòl, gơ jat bal mờ gơnoar kuơ. Dơ\ dùl, jàu kơnòl làng bol in tài bơh làng bol sùm gàr brê nàng jòi ală tờm chi lơh sơnơm tềng hơđơm m[ur chi brê. Dơ\ bàr tai là nàng tam ală tờm chi lơh sơnơm.

Lài do, jơnau gi\t wa\ bơh làng bol dê bè broă lơh atbồ mờ sền gàr brê là ờ niam ngan, mơya bơh tơngai geh tơm priă drơng broă sền gàr brê kung bè là rề ơnàng tam uă ală tờm chi lơh sơnơm tềng hơđơm m[ur chi brê halà ală priă jền lơh geh bơh ală tờm chi tềng hơđơm m[ur chi brê lơh tam gơl rài kis làng bol in, den bơh hơ\ làng bol geh kơnòl uă rlau. Broă lơh atbồ mờ sền gàr brê tàm ù tiah kơnhoàl kung niam sơl. Ală dơ\ lơh tìs làng bol koh kơl is brê ờ gam tai”.

Bal mờ 23 mpồl cau tờm brê là mpồl cau, 74 xã, thị trấn, geh rlau 3.600 hìu bơnhă làng bol mờ 22 [òn tàm càr Kontum neh geh Dà lơgar jàu ù, jàu brê atbồ bă brê mờr 45 rbô lồ ai priă jền drơng broă sền gàr brê. Jơnau yal bơh ală mpồl cau tờm brê dê, pà go\, priă lơh geh pah nam kờp bal tơl hìu bơnhă dờp atbồ mờ sền gàr brê dê là pơgăp 5 tơlak priă, [òn lơgar là pơgăp 88 tơlak mờ mpồl hìu bơnhă làng bol là pơgăp 37 tơlak.

Đơs bè bơta gơdờp niam bơh broă lơh tơm priă drơng broă sền gàr brê, ồng Hồ Thanh Hoàng, Kuang atbồ Kes priă Sền gàr mờ Bơtàu tơnguh brê càr Kontum, pà gi\t:

“Broă lơh tơm priă drơng broă sền gàr brê neh lơh geh dùl gùng dà broă lơh priă jền bơcri ai kơnòl broă sền gàr mờ bơtàu tơnguh brê kơ\ kơl jăp mờ jo\ jòng. Ală cau tờm brê, làng bol tus bal atbồ mờ sền gàr brê geh tai priă jền.

Bơh hơ\ hòi jà tă pơgồp geh priă jền bơh mpồl bơtiàn dê nàng lơh bal tàm broă lơh sền gàr brê. Kuơmàng là làng bol kis tàm brê mờ rềp mờ brê; lơh geh tai broă lơh mờ priă lơh geh ai làng bol in, bơh hơ\ neh tam gơl pa broă lơh broă sa ai làng bol in, pơgồp bơnah tơn jơh jơgloh tơrmù r[ah, ngai sơlơ bơtàu tơnguh rài kis bơh làng bol tàm tiah do dê; sơlơ tơnguh jơnhoa cồng nha kơnòl broă sền gàr mờ bơtàu tơnguh brê bơh jơh gùt mpồl bơtiàn dê tàm ù tiah càr đơs bal mờ ngui niam bơta pràn jak ai priă jền tơm priă drơng broă sền gàr brê đơs is”.

Bơta geh ngan pà go\, broă lơh broă lơh tơm priă drơng broă sền gàr brê tàm càr Kontum ờ mìng ngai sơlơ bơtàu tơnguh rài kis làng bol dê, tơnguh jơnhoa jơnau gi\t wa\ geh kơnòl bơh cau tờm brê dê, tơnguh khà mpồl hìu bơnhă mờ [òn lơgar geh dờp bă brê atbồ mờ sền gàr mờ gam hòi jà tă pơgồp geh tai dùl bơnah priă jền uă ngan ai broă lơh lòt sền mờ sền gàr brê in.

Do là bơta kuơmàng nàng lơh pràn broă lơh mpồl bơtiàn lơh bal broă brê, pơgồp bơnah uă ngan tơrmù mhar khà hìu r[ah, gàr niam rài kis mpồl bơtiàn, ngan là tàm tiah sar lơgar ngài bơh càr Kontum dê!

Cau cih mờ yal tơngi\t- Lơ Mu K’ Yến