VOV4.K’ho- Mpồl lơh broă làm gah bơh Ủy ban Tiah nhàr lơgar Dà lơgar dê gơ wèt Bộ Ngoại giao Việt Nam đơng lam neh tus sền broă lơh mpồng nhàr lơgar tàm tiah nhàr lơgar đah càr Kontum, lơgar Việt Nam mờ càr Rattanakiri, lơgar Campuchia.

Tu\ do, tàm jơh gùt gùng nhàr lơgar jòng 130 kơi sồ tàm càr Kontum rềp nhàr bal mờ càr Rattanakiri mìng geh dùl gùng lòt Hồ Đá lơm, geh lơh bơh nam 2008 mờ mpồng nhàr lơgar ndai Đăk Kôi geh lơh bơh nam 2012. Broă lơh lòt rê kă bro bơh gùng Hồ Đá mờ mpồng nhàr lơgar ndai Đăk Kôi dê ờ huan uă ngan, pah nam mìng geh pơgăp 1 rbô nă cau lòt rê wơl, mờ bàr pe rhiang tấn phan bơna kă bro, uă ngan mìng là bùm blàng tah dềt, gar điều, phe, phan lơh hìu đam.

Ủy ban Nhân dân càr Kontum dan mờ Bộ Ngoại giao dan mờ Chính phủ ai gơnoar lơh mpồng nhàr lơgar ndai Đăk Kôi- Kon Tuy Neak gơ gơs mpồng nhàr lơgar tờm; lơh gùng Hồ Đá gơ gơs mpồng nhàr lơgar ndai mờ ai gơnoar lơh tai 4 nơm gùng.

Cau cih mờ yal tơngi\t- Lơ Mu K’ Yến