VOV4.K’ho – Lơh jat broă lơh broă bal, dong kờl bơto mpồl cau lơh broă ai càr gơ\p bơyô Attapư, lơgar Lào in, Hìu sơnơm dờng càr Kontum gam bơto 4 nă kuang bàng lơh sơnơm ai Hìu sơnơm càr Attapư in.

Tàm tơngai 3 nhai, ală kuang bàng lơh sơnơm càr Attapư geh Hìu sơnơm dong kờl bơh anih ơm anih sa tus broă bơsram jơnau gi\t wa\ tàm broă lơh ờs mờng. Kuơmàng lơh lài bơto ală jơnau gi\t wa\ jak chài tàm broă lơh ờs mờng, chài ngui ală măy mok lơh sơnơm jak chài pa.

Broă dong kờl bơto, tơnguh jơnhoa jơnau gi\t wa\ tàm broă lơh ờs mờng ai kuang bàng lơh sơnơm càr Attapư, lơgar Lào in geh Hìu sơnơm dờng càr Kontum lơh bơh nam 2016. Nàng broă lơh broă bal geh cồng nha, Hìu sơnơm neh lòt sền ngan ngồn broă lơh bơh hìu sơnơm càr gơ\p bơyô dê, ngan là pràn jak lơh broă ờs mờng bơh mpồl kuang bàng cau lơh sơnơm dê.

Cau cih mờ yal tơngi\t- Lơ Mu K’Yến