VOV4.K’ho – Tàm kơnhoàl tiah nhàr dà lơgar Ia H’Drai, càr Kontum, tềng đap ală hoàc huơr bơh dơ\ dà ko\ dà cò gơlik geh poh lài, gơnoar atbồ kơnhoàl mờ ală mpồl lơh broă gam jal mhar dong làng bol bơsong hoàc huơr nàng mhar gàr niam bè ờs wơl rài kis.

Dơ\ dà ko\ dà cò gơlik geh tàm àng drim gờ` ngai 9/8 tàm kơnhoàl tiah nhàr dà lơgar Ia H’Drai, càr Kontum mìng gơlik geh tàm 2, 3 jiơ mờ ờ lơh gơbàn hoàc huơr bè kòn bơnus, mơya hoàc huơr bè phan bơna bơh làng bol dê là dờng ngan. Bal mờ git nđờ jơt nơm hìu gơtìp ngơr bam jrô, gơtìp dà cò pơr dô; jơh ală tơnau ròng ka, [làng sre gơtìp ngơr bam jơh là uă anih tàm gơl gùng lòt sền tiah nhàr dà lơgar, gùng lòt tus tiah lơh sa, gùng lòt tus ală xã: Ia Đal, Ia Tơi mờ Ia Dom gơtìp tơrlah, lơh kòl gùng. Bi Nguyễn Văn Tương gam khòm tơr gùm ală bơta lơi gam jơngkah wơl tàm dùl hìu mai\ lơh dơm chi ơnàng git nđờ rhiang thơk vuông pà git: “Bơh tu\ 5 jiơ tus 7 jiơ drim, oh mi gam bic, ờ git bơta lơi den ni sơna dà mut tàm do, lơh ngơr bam mờ cò pơr dô jơh hìu đam tàm do. Ờ thàn lơh bơta lơi.”

Tơnơ\ dà cò lơh aniai, rlau 100 nă kuang bàng, cau ling gơwèt ală mpồl: ling sền gàr tiah nhàr dà lơgar, ling klàng mờ Kuang àng kơnhoàl Ia H’Drai neh tus tàm ală hìu bơnhă, dong làng bol pơs wàs hìu đam, khòm tơr gùm phan bơna… Gơnoar atbồ xã Ia Đal neh mhar dong kờl ală hìu bơnhă gơtìp aniai in. Ồng Nguỵ Đình Phúc, Chủ tịch UBND xã Ia Đal pà git: “Bol a` tus tơn tàm ală bă tiah gơtìp tơrlah, tiah gơtìp ngơr bam nàng dong kờl. Tềng đap mat den bol a` dong kờl bè phan sa, phe, [ung mi, dà sàng, ồi tơ\, kơmùng bic mờ priă nàng dong kờl ală hìu bơnhă gơtìp hoàc huơr kơn jơ\ in.”

Mờ bơta lơh ngan bơh ală mpồl lơh broă geh gơnoar dê, bal mờ khà mìu neh gơmù, 7 [òn tàm xã Ia Đal neh lik klàs bơh bơta tam cah is. Bu\lah bè hơ\, gơnoar atbồ tàm [òn lơgar gam pơn jat tai lơh ngan dong kờl nàng geh tơl phe, phan sa làng bol in. Ồng Bùi Văn Nhàng, Phó Chủ tịch UBND kơnhoàl Ia H’Drai pà git: “Kơnhoàl neh đơng lam mpồl lơh broă geh gơnoar mờ gơnoar atbồ tàm [òn lơgar là ngui mpồl lơh broă 4 tơn tàm 1 anih. Lài ngan là dong kờl phe, phan sa làng bol in di tu\. Gàr tơl phe, phan sa, sơnơm tơmba mờ gàr niam ngap lơngai ờ do ờ dă.”

Bal mờ bơta lơh ngan ờ lời làng bol gơtìp ờ tơl phan sa, dà sàng, gơnoar atbồ kơnhoàl Ia H’Drai, càr Kontum pơn jat tai lam sồr ală mpồl lơh broă tus dong làng bol bơsong jơnau gơ lời wơl hoàc huơr bè phan bơna hìu đam. Tàm tiah gơtìp dà ko\ dà cò lơh aniai kơn jơ\ Ia Đal, geh 4 nơm hìu rềp dà croh neh geh ntrờn tus tiah ờ do ờ dă. Gơnoar atbồ xã bơh uă bơta tă pơgồp neh hòi jà dong kờl geh 10 tấn sơmang mờ 100 pang sơlo dong kờl làng bol lơh wơl hìu. Bal mờ hơ\, tàm jơh ală [òn làng bol ơm kis geh hoàc huơr tài dà ko\ dà cò lơh aniai tàm 2 xã gam wơl là Ia Tơi mờ Ia Dom kung ndrờm geh mpồl lơh broă tus dong kờl làng bol. Trung tá Nguyễn Văn Sơn, Chính trị viên Pôs ling sền gàr tiah nhàr dà lơgar Suối Cát, mpồl ling sền gàr tiah nhàr dà lơgar càr Kontum pà git: “Bol a` sồr oh mi tus jơh ală [òn. Tus tơl hìu bơnhă làng bol gơtìp hoàc huơr nàng git bơta gơlik geh mùl màl hoàc huơr bè phan tam, iar ơda, ală phan bơna geh kuơ ndai. Dong kờl làng bol mờ ală phan bơna, broă lơh ngan ngồn. Kham, sơm kòp, pà sơnơm ờ sa priă làng bol in, pơs wàs gàr kloh niam tiah ơm kis. Pơ gồp bal mờ ală mpồl lơh broă ờ lòi gơlik geh kòp bơ tờp dờng tàm [òn lơgar.”

Tàm gơl gùng càr 657 A, kơnhoàl Ia H’Drai gam tơr gùm mpồl lơh broă mờ phan bơna lơh niam wơl ală anih gơtìp tơrlah. Mơya tài khà ù, lu\ tơrlah uă, digơlan tàm 2, 3 ngai tus hơ\ sồng gơtùi pờ gùng tus 2 [òn 9 mờ Ia Dơr, xã Ia Dom.

Bal mờ broă jal mhar bơsong hoàc huơr bơh dơ\ dà ko\ dà cò gơlik geh tàm tiah do, kơnhoàl Ia H’Drai, càr Kontum kung gam sồr kờp sền wơl ală [òn làng bol ơm kis digơlan gơtìp hoàc huơr tu\ geh mìu dờng. Kơnhoàl tu\ do kung neh rơndap lài 68 [òn làng bol ơm kis mờ bă ù rlau 2 rbô 200 lồ nàng bơyai lơh [òn ơm kis pa ai làng bol gam ơm kis tàm ală tiah ngòt rơngơt in.

              Cau mblàng K’Duẩn