VOV4.K’ho – Mpồl lơh broă bơh Bộ Nông nghiệp mờ Phát triển Nông thôn dê neh geh dơ\ lơh broă mờ càr Kontum bè broă mut lơh rơndap broă sap sèng, tam gơl pa ală kong ti nông, lâm nghiệp jat Nghị định sồ 118 nam 2014 bơh Chính phủ dê.

Tàm dơ\ lơh broă, càr Kontum dan mờ Chính phủ, Bộ Tài chính mờ ală gah, sơnah lơh broă dà lơgar geh gơ rềng kơlôi sơnơng, mhar geh jơnau pơlam ngan ngồn bè broă tơnguh priă bơcri bơh bơta kuơ brê tam dê tus mờ bơnah gơ lin guh uă, pơn drờm mờ priă bơcri bơh sơn rờp tàm ală kong ti lâm nghiệp, lơh gơs bơnàng jă nàng ală mpồl in lơh sră càn priă, lơh sa kă bro nhap nhar mờ geh cồng nha rlau.

Mpồl lơh broă sồr: càr Kontum pal kơlôi sơnơng nền nòn bè cồng nha broă tam gơl pa rơndap sap sèng 7 kong ti lâm nghiệp tàm càr; pơn jat tai sền gròi tus mờ ală mpồl lơh sa kă bro bơh dà lơgar dê tàm càr, mhar lơh sră ngui ù…