VOV4.K’ho – Càr Kontum pa lơh ală broă lơh rơcang sơndră kòp bơ tờp, jơgloh, noat mrềt ai mpồl phan ròng in; lòt sền, đal git phan ròng chơt tài jơgloh, noat mrềt mờ kòp bơ tờp. Càr Kontum sồr ală kơnhoàl lam sồr làng bol bơ tơl phan siam tơlir, gàr tơl jơnau kờ` phan pràn mờ phan siam bòk nàng sơlơ tơnguh tai chất khoáng, vitamin ală bơta, sơlơ tơnguh bơta pràn phan ròng in.

Càr kung sồr ală anih lơh broă yal jơnau tơnggit, ală anih lơh broă geh gơnoar, ală kơnhoàl, xã yal di tu\ bè bơta trồ tiah nàng làng bol in git rơcang lài lơh ală broă lơh rơcang sơndră noat mrềt phan ròng in. Tàm ală ngai noat mrềt, ba` ting lềng rơpu, kơnrồ. UBND càr kung sồr UBND ală kơnhoàl, [òn dờng mờ mpồl lơh sơnơm phan ròng bơyai lơh cit sơnơm  vaccine mpồl phan ròng in, gàr tơl khà cit jat jơnau sồr; sền gròi bơta kòp bơ tờp mpồl phan ròng in tus tàm [òn, hìu bơnhă ròng phan.