VOV4.K’ho – Tàm càr Kon Tum, tơnơ\ ală dơ\ mìu bồ kàl, làng bol lơh broă sa gam jal mhar tam bùm blàng kàl pa. Nam do bal mờ broă pal blơi tờm bùm blàng sơntìl mờ khà priă jơnhua ngan, den bơta ờ huan geh tờm sơntìl kung gam gơlik geh, lơh uă cau lơh broă sa tàm càr do ờ gơtùi blơi geh sơntìl nàng tam:

Bơta tờm bùm blàng sơntìl gơguh khà priă mờ ờ huan geh gơbàn tàm jơh ală tiah bơh càr Kon Tum dê, ngan là tàm ală kơnhoàl tam uă bơta chi tam do, bè Đăk Tô, Sa Thầy, Ngọc Hồi, Kon Braih…

Dilah bè nam lài, tơl tờm bùm blàng gơtùi koh gơs 10 gơl tờm sơntìl, làng bol mìng blơi mờ khà priă rlau 1 rbô den kàl tam bùm blàng nam do, khà priă blơi gơguh bơh 2 rbô 500 tus 3 rbô priă. Bi Nguyễn Thị Hồng, ơm tàm xã Đăk Ruồng, kơnhoàl Kon Braih pà git:

“Nam do làng bol kờ` tam bùm blàng jòi ờ geh tờm sơntìl nàng blơi. Nam do blơi mờ khà priă bơh 2 rbô 500 tus 3 rbô priă tàm 1 tờm, kung ờ geh nàng blơi sơl”.

Nàng gơtùi tam 1 lồ bùm blàng, làng bol tàm càr Kontum kờ` geh bơh 12 rbô tus 16 rbô gơl sơntìl, ndrờm mờ priă pal tă blơi là mờr 5 tơlak. Di lah ờ gơtùi prap is sơntìl, bal mờ broă pal blơi mờ khà priă jơnhua, den làng bol gam pal kong mờ uă bơta aniai, ngan là bè bơta niam tờm sơntìl.

Bi Lê Thị Ánh Kiều, ơm tàm [òn 2, xã Diên Bình, kơnhoàl Đăk Tô pà git, tàm 1 cap tờm sơntìl, den cau blơi pal dờp jơh bal ală tờm dềt mờ tờm neh gơtìp ro. Ờ niam rlau là tus tu\ do, geh uă hìu bơnhă pal sang gời ù tài ờ gơtùi blơi geh sơntìl nàng tam:

“Tu\ do geh priă kung ờ gơtùi blơi sơl. Tàm do tu\ do đơs bal là cau go\ tac yòm den khi neh tac jơh bloh. Tu\ do, uă ù gơtìp sang gời, ờ geh sơntìl nàng tam. Bi klau a` dê geh 2 lồ ù, khai pa blơi tai 1 lồ ù, tu\ do ờ geh sơntìl tam den kung pal sang gời lơm”.

Tàm tu\ làng bol pal blơi tờm bùm blàng sơntìl mờ khà priă jơnhua, geh tu\ ờ geh nàng blơi den Phòng Nông nghiệp ờ uă kơnhoàl bơh càr Kontum dê den gơ lơh kal ke ngan tàm broă rơcang lài khà sơntìl ai kàl tam pa in.

Tàm kơnhoàl Đăk Tô, tài ờ huan geh sơntìl nàng tam, geh uă bă ù làng bol lơh broă sa pal ai bal mờ tờm sơntìl neh geh kòp cồng pơr nơs nàng tam kàl do in. Ồng A Quang, Phó kuang atbồ Phòng Nông nghiệp mờ Phát triển nông thôn kơnhoàl Đăk Tô pà git:

“Dilah 100% mờ ala den là gơtùi ngan. Nam do kal ke ngan. Den tàng tu\ do, kơnhoàl jàu Phòng Nông nghiệp in pơ gồp bal mờ ală xã, thị trấn bơt bơtàu ờ uă broă lơh sơntìl pa. Bè nam do, pơlam lơh sa suơn sre den bol a` bơt bơtàu ờ uă broă lơh pơlam lơh sa suơn sre bè sơntìl pa KM101. Nam do, bol a` ngui tơr lòng lài sơntìl pa do nàng tàm nam tơnơ\ tam uă hời rơ hời, ai nam do den ờ geh tơl sơntìl den ờ gơtùi ngan.”

Jơnau lơh khà priă tờm bùm blàng sơntìl tàm càr Kontum nam do gơguh jơnhua ni sơna là tài làng bol kờ` ala sơntìl KM94 tam bơh git nđờ jơt nam do, den tu\ do neh gơbàn ờ diơng mờ gơtìp kòp lơh aniai. Bal mờ hơ\, broă ală hìu mai\ lơh bòk bùm blàng tàm càr blơi bùm blàng mờ khà priă 3 rbô tàm 1 ki\, là khà jơnhua ngan rlau jơh tàm pơgap 10 nam do kung là jơnau lơh làng bol ur ar tam chi tam do.

Tàm bơnah ndai, mùl màl ai go\, bu\lah geh bă ù tam bùm blàng gơguh tus 38 rbô lồ mờ 8 hìu mai\ lơh bòk bùm, mơya tờm bùm blàng tàm Kontum kung gam bơtàu tơnguh jat bơta broă cau lơi cau hơ\ lơh. Bơta tàm tơrbo\ bal, dong kờl, gơ rềng kơnòl broă tàm jơh ală bơnah đah cau tam bùm blàng, mpồl lơh sa kă bro, gah lơh broă geh gơnoar tàm càr là bơta ờ geh mờ ờ pràn ngan.

                                                                    Cau mblàng K’Duẩn