VOV4.K’ho – Pa jơh lik bơdĩh mat hìu bơnhă r[ah, digơlan gơbàn r[ah wơl. Do gam là bơta geh ngan bơh git nđờ rhiang hìu bơnhă làng bol tàm kơnhoàl Tu Mrong, càr Kontum dê. Jơnau là tài bơh mìu dờng jo\ jòng tàm tơngai lài neh lơh bơta tơrlah ù tàm càr do gơlik geh tàm uă tiah.

Sền tềl dàng dờng bè klan wìn tàm bơnàng hìu lơh gơ tă ală pơnai gak, bi A Tam, ơm tàm [òn Kon Hia 1, xã Đăk Rơ Ông, kơnhoàl Tu Mrông đơs bè `ìm, pơgap mờ do nđờ mang, mìng klo ntas nggồr ur, hơ\ sồng sền go\ geh tềl đàng. Àng drim, jơh 1 [òn ngòt ngan tu\ bơnơm tơnơ\ [òn tơrlah dùl bơnah dờng ngan. Tềl tơr đàng bè rơyas chi, bơh đang bơnơm lòt gan gùng càr 678 mù tus dà croh Tea Dát. Ờ gơtùi ơm wơl tai, ùr bơklau bi A Tam bal 5 nă kòn pal tă sờr hìu nàng dô pleh. Sền hìu kờp priă mờr 100 tơlak pa lơh mờr 1 nam, là bơta nàng ùr bơklau bi in lơh ngan lik klàs r[ah tu\ do pal tă sờr, bi A Tam ờ suk ai tơngai tơ nơ\ do hìu bơnhă bi in: “Ờ suk ngan rlau jơh tu\ do là tơnơ\ do ờ git lơh hìu bè lơi tai. Ờ geh priă digơlan a` ờ khin lơh tai. Kal ke bè phe sa kung geh, mơya gơ 1 êt. Kuơ màng là oh kòn ờ gơtùi lòt bơsram. Tài hìu ơm mìng lơh ing mờ tờm chi, gle, đơr, kơlik lơh mờ sơlo, ờ geh đèng sơl.”

Jơnau gơ lời wơl bơh dơ\ tơrlah bơnơm gơlik geh pơgap 2 jiơ àng drim ngai 18/8 pa do lơh 17 tàm khà 147 hìu bơnhă làng bol tàm [òn Kon Hia 1 pal ntrờn jơh phan bơna tus tiah ơm pa. Tàm khà 17 hìu bơnhă gơtìp hoàc huơr geh tus mờr gùl là hìu bơnhă r[ah mờ hìu bơnhă ndrờm bè cau r[ah den tàng làng bol neh kal ke, tu\ do sơlơ kal ke rlau tai. Geh tu\, bal mờ ală hìu bơnhă geh đơs là pas gơs bè ùr bơklau bi A Long mờ bi ùr Y Phương, pa lơh geh hìu ơm kờp priă 460 tơlak, tu\ do kung gam sang gời jơh. Tềng đap ală hoàc huơr bơh làng bol tàm [òn dê, ồng A Láp, Phó kuang atbồ [òn Kon Hia 1 pà git, bal mờ hoàc huơr bè phan bơna den nùs nhơm làng bol dê tu\ do kung là bơta pal sền gròi ngan: “Cau lơi kung ai lơh pơlai mờ moat jrùm ngan bè phan bơna he dê, ngan là bè hìu ơm. Tài khi neh pal glar bòl lơh git nđờ jơt nam, hơ\ sồng gơtùi lơh geh hìu ơm, mờ tu\ do gơtìp aniai bè do. Nđàc ngan làng bol. Geh cau moat jrùm ir ờ bài sàu sa tơn. Rài kis tu\ do bòl glar ngan. {òn kung lam sồr pal lơh ngan đau, pal kis tai.”

Bal mờ 17 hìu bơnhă làng bol tàm [òn Kon Hia 1, xã Đăk Rơ Ông, lài hơ\, tàm dơ\ mìu dờng pa do, gơnoar atbồ kơnhoàl Tu Mrông, càr Kontum neh pal ntrờn 136 hìu bơnhă làng bol tàm [òn Tu Thó, xã Tê Xăng mờ 42 hìu bơnhă làng bol tàm [òn Tu Mrông, xã Tu Mrông tus tiah ơm pa nàng pleh bơta tơrlah ù. Jơh ală hìu bơnhă làng bol do là kòn cau Sơdàng, rài kis lơh sa hìu bơnhă gam kal ke, tàm hơ\ geh uă hìu bơnhă mìng pa lik klàs hìu bơnhă r[ah. Den tàng, jat ồng Vương Văn Mười, Phó Chủ tịch UBND kơnhoàl Tu Mrông, jơnau digơlan gơbàn r[ah wơl bơh ală hìu bơnhă pal ntrờn nàng pleh tơrlah ù là dờng ngan, tàm tu\ bơta pràn dong kờl bơh kơnhoàl dê den ờ huan uă: “Tu\ do bơta ờ suk bơh làng bol tàm tiah gơtìp tơrlah ù kung bè bơta ờ suk bơh kơnhoàl dê là bơta gơbàn r[ah wơl. Tài bơta hoàc huơr phan bơna bơh làng bol tàm tiah tơrlah ù dê là dờng ngan. Jơh ală hìu bơnhă r[ah tu\ do tu\ lơh hìu ndrờm càn priă bơh Ngân hàng chính sách dê lơm. Bơta do den UBND kơnhoàl geh dan nàng tơn jo\ tơngai tơm dồs. Mơya bơta dong kờl priă jền nàng làng bol in gàr niam bè ờs wơl kung bè bơsong rài kis jo\ jòng den do kung là bơta ờ suk bơh kơnhoàl dê. Tài do là kơnhoàl r[ah den tàng priă jền gam ờ tơl ngan.”

               Cau mblàng K’Duẩn