VOV4.K’ho- Tài gơ rềng bơh kòp Covid-19 dê, broă lơh tac mờ blơi phan bơh lơgar ndai tàm nhai 7 gam geh tềl tơnggŏ ơm ing. Kờp jơh priă lơh geh bơh tac mờ blơi phan bơh lơgar ndai nhai 7 pa do kờp dŭ geh 55 tơmàn 700 tơlak dolar Mỹ, mìng gơguh 1,5% pơndrờm mờ nhai lài. Bulah bè hơ̆, kờp bal 7 nhai nam 2021, kờp jơh priă lơh geh bơh tac mờ blơi phan bơh lơgar ndai kờp dŭ kung gam tàm khà jơnhua (gơguh 30,2% pơndrờm mờ bal dùl tŭ nam lài). Dùl tàm ală broă lơh geh Bộ Công thương đơs nền ală nhai lồi nam là tơnguh broă tac phan hờ lơgar ndai, tơrmù ƀà broă blơi uă phan bơh lơgar ndai, lam lơh ngui tŭ niam bơh ală FTA nàng jòi broă lơh bơtàu tơnguh drà kă bro mờ tă bơsong bơta kòl yan nàng mut tàm ală drà kă bro pa. Gàr kơ̆ mờ rề ơnàng drà kă bro tac phan hờ lơgar ndai, ngui uă ngan rlau jơh bơta ƀuơn bơh ală Hiệp định kă bro khat gơboh (FTA) neh geh ai ngui, lơh gơlik li la drà kă bro tac mờ blơi phan bơh lơgar ndai.

Cau mblàng K’Duẩn