VOV4.K’ho - Lơh chờ kơphê Buôn Ma Thuột dơ\ 7 nam 2019 geh lơh bơh ngai 9 tus ngai 16/3 do, geh 38 hìu tăc phan bơyai lơh drơng hùc dà kơphê ờ sa priă ai năc lòt nhơl in.

Do là ală hìu tăc dà kơphê geh ù tiah ơnàng, ha pah, niam ngan, geh broă klài dà kơphê mờ drơng ly kơphê lơh geh di jơnau sồr. Broă lơh hùc dà kơphê ờ sa priă geh bơyai lơh tàm 8 ngai geh lơh dơ\ lơh chờ hơ\ là bơh ngai 9-16/3 do.

             Hìu tăc dà kơphê An Thái Hi-up gam lơh jơh ală broă rơndăp bơka wơl hìu đam nàng drơng dơ\ lơh chờ kơphê

Bơh hơ\ nàng kờ` yal tơngi\t, ràng tơlik mat kă bro kơphê, broă klài dà kơphê, rơndăp bơka ù tiah hìu tăc dà kơphê tàm [òn dờng Buôn Ma Thuột, càr Dăk Lăk.

Do là dơ\ 7, ală hìu tăc dà kơphê An Thái, An Thái Hi-up tus bal drơng kơphê ờ sa priă tàm Festival kơphê Buôn Ma Thuột den tàng broă lam lơh neh gơ gơs mờng quèng ngan. Mò Bùi Thị Tuyết Nhung, cau tờm hìu tăc dà kơphê An Thái Hi-up tàm gùng Ngô Gia Tự, [òn dờng Buôn Ma Thuột pà gi\t, bơdìh mờ broă rơndăp bơka ù tiah lơh chàng măy kơphê, hìu tăc dà kơphê do gam bơcri priă rơndăp lơh ală anih ù tiah dềt, yồng băng rôn yal tơngi\t broă lơh drơng kơphê ờ sa priă mờ bơto pơlam jơnau gi\t wa\, bơta chài ai cau drơng broă wil tơl.

Tàm dơ\ lơh chờ kơphê dơ\ 7 do, den he pal bơka wơl, rơndăp wơl, lơh niam wơl geh bal rùp să mờ cau drơng broă. Jơh ală là nàng drơng năc in tàm dơ\ lơh chờ kơphê mờ jơnau kờ` là hùc dà kơphê ờ sa priă mơkung yal tơngi\t mat kă bro kơphê ai càr in.

Bơta tờm bơh hìu tăc dà kơphê bơh a` dê tàm dơ\ lơh chờ do den là rùp hin ai măt kă bro BuonMaThuotCoffee. Hơ\ sồng kơphê den he geh lơh tai ală phan bơna pa rlau, bè kơphê Capuchino, Lotter halà American…Ai kơphê bơh yau den he pal gàr geh bơta ờ bơrlu\, kloh bơkah rlau.

Ờ mìng sền dờng màng bè bơta li la mat phan kă bro mờ nùs nhơm drơng broă, bơta kloh niam ờdo ờdă phan sa kung geh Ủy ban Nhân dân [òn dờng Buôn Ma Thuột mờ ală hìu tăc dà kơphê tus bal drơng ờ sa priă sền gròi sơl.

Ồng Vũ Văn Hưng, Phó chủ tịch UBND [òn dờng Buôn Ma Thuột pà gi\t: Jơh ală hìu tus bal lơh broă ndrờm geh bơto pơlam, ai sră cơng tàng lơh jat tơl ală jơnau sồr bè ờdo ờdă phan sa, bè: anih tờm ai phan, măy mok, phan ngui klài kơphê…Cau drơng broă tàm hìu tăc dà kơphê ndrờm pal geh bơto pơlam jơnau gi\t wa\ bè ờdo ờdă kloh niam phan sa mờ bơta chài drơng năc.

Tàm dơ\ lơh chờ gơrềng tus drơng kơphê ờ sa priă den tus tu\ do geh 38 hìu tăc dà kơphê cih mat dan lơh. Tàm ală hìu tăc dà kơphê do den bè bơta gàr niam ờdo ờdă kloh niam phan sa den bol a` neh tus sền, jat tàm bơta pa lòt sền ală hìu tăc dà kơphê mờ ờ hềt tơl den sồr lơh wơl broă lơh geh niam kloh ờdo ờdă phan sa.

Bol a` lơh sră cih mat, tàm hơ\ sồr pal lơh geh ală ù tiah bơta kờ` krơi is, bơta niam krơi is bơh tơl hìu tăc dà kơphê dê mờ ală bơta pơnrơ is, mờ nùs nhơm drơng broă, broă drơng broă, hơ\ sồng phan bơna dà hùc lơh geh di jơnau kờ` bơh năc dê. Tus tu\ do, den sền bal broă rcăng neh jơh lơh mìng gam ơm kơ\p tus ngai mu\t tàm dơ\ lơh chờ den geh jà năc lòt nhơl hùc dà kơphê ờ sa priă.

Cau mblàng Lơ Mu K’Yến