VOV4.K’ho-Ủy ban Thường vụ Quốc hội neh geh Kơrnoat bè broă rơndăp tăp sèng ală anih lơh broă sră nggal kấp kơnhoàl, kấp xã tàm tơngai bơh nam 2019- 2021. Anih lơh broă sră nggal kấp kơnhoàl, kấp xã gơ wèt anih rơndăp tăp sèng là anih geh ù tiah geh is mờ khà kờp làng bol ờ hềt tus 50% jat jơnau sồr bơh kơrnoat boh lam dê; hòi jà broă rơndăp tăp sèng ală anih lơh broă sră nggal ờ gơ wèt anih do nàng tơrmù khà anih lơh broă sră nggal.

Tu\ rơndăp tăp sèng anih lơh broă sră nggal kấp kơnhoàl, kấp xã pal sền dờng màng, kơlôi sơnơng nền ală jơnau krơi is bè bơhiàn kah yau, niam chài, kòn cau, gah jat yàng, bơta pin dờn, adat bơhiàn, ù tiah, bơta geh is, [òn làng bol ơm kis, sồr pal gàr niam dà lơgar, lơngăp lơngai, ờdo ờdă mpồl bơtiàn mờ bơtàu tơnguh lơh sa, pal bơyai lơh mpồl kuang bàng lơh broă mìng lời wơl dùl êt nă cau, lơh broă jak mờ geh cồng nha…Kơrnoat kung cih loh bàr pe bơta krơi is tu\ lơh jat broă rơndăp tăp sèng anih lơh broă sră nggal kấp kơnhoàl, kấp xã.

Cau mblàng Lơ Mu K’Yến