VOV4.K’ho-Mờ nùs nhơm lơh broă jơh nùs ngan, bơh bồ nam tus tu\ do, Kuang àng càr Dak Nông neh sền go\ mờ ku\p kơryan geh uă mpồl tung kơ`au rơndeh măy mờng chài, ku\p geh gi\t nđờ jơ\t nơm rơndeh măy jàu wơl làng bol in, pơgồp bơnah gàr niam bơta lơngăp lơngai ờdo ờdă tàm [òn lơgar.

Pa do, tàm bồ nhai 5 nam 2018, mìng tơnơ\ 30 phuk lơm kờp bơh tu\ kơno yal, Kuang àng kơnhoàl Tuy Đức, càr Dak Nông neh sơrbac mhar ngan ku\p geh klau Lê Trọng Cẩn, ơm kis tàm xã Lĩnh Sơn, kơnhoàl Anh Sơn, càr Nghệ An mờ Nguyễn Thanh Sơn, ơm kis tàm sơnah [òn Trần Hưng Đạo, [òn dờng Nam Định, càr Nam Định, ku\p ai 2 nơm rơndeh măy. Do là ală cau geh uă broă lơh tìs mờ pa rê bơh hìu jàm den pơn jat tai lơh tìs.

Thượng tá Dương Danh Quế, Kuang atbồ Kuang àng kơnhoàl Tuy Đức, càr Dak Nông pà gi\t: Bơh tu\ dờp geh jơnau yal, mpồl neh sơrbac mhar lam lòt jòi mờ ku\p kơryan geh klau blơ\ do.

“Mpồl kuang àng lòt ting ku\p mờ ku\p geh klau blơ\ bơh sơnrờp là Lê Trọng Cẩn bal mờ 1 nơm rơndeh măy kơ`au cau dê. Tơnơ\ hơ\ mpồl lơh broă lòt wàng se ku\p tus 9 jiơ den pơn jat tai bàn mờ ku\p geh 1 nă cau blơ\ tai. Bơh ală tu\ ku\p, cau blơ\ do ờ go\ ngòt dùl êt lơi, lơh bè ờ gi\t dùl bơta lơi. Mơya bơh tàm ală tu\ lùp khàu mờ hòi điện thoại mờ [òn lơgar ală cau blơ\ do ơm, den cau lơi kung neh lơh tìs êt ngan kung là bơh 3 dơ\ lơh tìs”.

Lài hơ\, Kuang àng Tuy Đức kung neh jòi ku\p geh dùl mpồl tung kơ`au rơndeh măy mờng chài ngan, ku\p geh ală cau blơ\: Nguyễn Văn Tú, ơm tàm xã Măng Tô, kơnhoàl Tánh Linh, càr Bình Thuận; Trần Quang Quảng, Phan Hoàng, ơm kis bal tàm xã Đăk Mol, kơnhoàl Dak Song mờ Lý Gia Thành ơm kis tàm Bình Trị Đông B, quận Bình Tân, [òn dờng Hồ Chí Minh. Klau blơ\ Nguyễn Văn Tú, khài: Sơmờm tàm tu\ cau ờ go\ sền ngac, den tàng tơngai lài neh bal mờ cau gơ\p mpồl bal lòt kơ`au geh 23 nơm rơndeh măy tàm ù tiah ală kơnhoàl: Tuy Đức, Dak Song mờ Dak Glong.

“Rơndeh den ơn đah bơdìh tềng đap hìu ờ geh cau sền, geh bàr pe nă cau den lời bal cê khúa tàm rơndeh. A` ơm sền rơcang lài, ai ală cau gơ\p mpồl bal den mu\t lơh pă cê khuă mờ kơ`au rơndeh jun tus càr Bình Phước nàng tăc”.

Jat Trung tá Cao Xuân Thủy – Phó Kuang atbồ Kuang àng kơnhoàl Tuy Đức, càr Dak Nông dê yal, broă tung kơ`au rơndeh măy sùm sơmờm tu\ ờ go\ geh cau sền gàr. Bol tung kơ`au phan jòi tu\ làng bol ờ go\ sền ngac, tu\ ờ geh cau, tàm tơngai cau tờm rơndeh ờ go\ rơcang ngac là khi kơ`au. Den tàng bè hơ\, broă lơh geh kuơ ngan rlau jơh kung gam là bol he pal rơcang ngac pal gi\t kơrhia uă tàm broă sền gàr phan bơna jơtài he dê, pơgồp bơnah sền gàr niam lơngăp lơngai ờdo ờdă tàm [òn lơgar.

“Gùng dà broă lơh tàm tơngai tus, dơ\ dùl là pal sơlơ lơh tai broă atbồ ală cau rê bơh hìu jàm rê ơm kis tàm [òn lơgar. Dơ\ 2 tai là tơnguh uă jơnau gi\t wa\ sền gàr phan bơna jơtài bơh làng bol dê mờ sơlơ lơh tai broă lơh lòt sền, gròi sền. Bè broă lơh măy mok den crăp măy camera tàm ală gơl gùng kuơmàng”.

 Ờ mìng [òn lơgar tàm tiah nhàr lơgar Tuy Đức lơm gời ờ, tơngai lài kung tàm càr Dak Nông dê sơl, Kuang àng thị xã Gia Nghĩa neh jòi bàn mờ ku\p kơryan geh dùl mpồl cau tung kơ`au rơndeh măy chài ngan. Tơnơ\ dùl tu\ tơngai ờ jo\ lòt jòi ku\p, Kuang àng thị xã Gia Nghĩa neh ku\p geh 2 nă cau blơ\ là klau Trần Văn Bình, ơm tàm xã Quảng Thành, thị xã Gia Nghĩa mờ Trần Văn Tuấn, ơm tàm xã Hội Nghĩa, kơnhoàl Tân Uyên, càr Bình Dương nàng lùp khàu kờ` gi\t loh bè broă tung kơ`au phan bơna jơtài.

Sơmờm tàm tu\ ờ go\ sền ngac, ờ go\ rơcang ngac bơh làng bol dê, bơh bồ nam 2018 tus tu\ do, Bình mờ Tuấn neh tàm jà bal mờ bàr pe nă cau blơ\ ndai neh lòt tung kơ`au êt ngan rlau jơh kung là bơh 22 dơ\ tung kơ`au rơndeh măy tàm ù tiah Dak Nông. Tơnơ\ hơ\ khi cèng ală phan bơna tung kơ`au mờ geh do lòt tăc tàm ală anih blơi sồ siă mờ anih lơh niam wơl rơndeh măy ờdiơng nàng ai priă sa nhơl. Kuang àng thị xã Gia Nghĩa neh ku\p ai geh 17 nơm rơndeh măy, 2 nơm tivi, 1 nơm điện thoại at tê bal mờ uă phan gơrềng bal ndai, jàu wơl làng bol gơtìp roh phan in.

Cau mblàng Lơ Mu K’Yến