VOV4.K’ho -  Mho òr (18/5), Ủy viên Bộ chính trị, Bí Thư Đảng dà lơgar, Kuang atbồ Ban dân vận dà lơgar mò Trương Thị Mai neh bal mờ mpồl lơh broa\ neh geh bùi lơh broa\ mờ Ban Thường vụ Tỉnh ủy Dak Nông bè  broa\ mut ngui Nghị quyết 25 bè tơngguh broa\ lơh atbồ bơh Đảng tus mờ broa\ lơh lam sồr tàm rài pa.

Jat jơnau yal tàm  bùi lơh  broa\,  rlau 5 nam mut lơh,  broa\ lơh lam sồr bơh Đảng bộ càr Dak Nông neh lơh geh ua\ cồng nha niam, cồng nha mờ chồl guh geh bơta pràn bơtàu tơngguh lơh sa, chài rgơi,  gàr niam bơta kuơ mpồl bơtìan, tơmù rbah kơljap. Tus mờ srơh  pơrlòng ‘’Chài lam sồr’’  ala\ broa\  lơh kòn cau,  jat yàng, ala\ broa\ lơh dà lơgar, bơt bơtàu [òn lơgar pa Dak Nông kung neh lơh geh cồng nha mpờl go\ ngan.

Tu\ do càr  geh  rlau 1.500 broa\ lơh, broa\ pơnrơ chài lam sồr, git nđờ rhiang cau pơnrơ lam lài gơguh jak lik klàs rbah lơh jat jơnau Bác Hồ. Tàm bùi lơh broa\, mò Trương Thị Mai tơng kah,  tàm broa\ mut lơh broa\ lơh lam sồr pal gàr niam 4 broa\ lơh mờ 5 bơta jat broa\ lơh tàm Nghị quyết 25. Rơndap ai cau kuang lơh broa\ lam sồr, gah mặt trận pal lơh broa\ jơh nùs,  tơl git wa\,  tơl pràn broa\ lơh. Lơh ngan bơsong niam broa\  tơmù rbah, gàr niam broa\ kuơ mpồl bơtìan nàng geh lơh niam mhar rài kis làng bol,  ngan la sền gròi  ngan tus hìu nha\ geh khà sra\ dong kờl, làng bol kòn cau, hìu rbah, cau kuet kơlte… nàng làng bol  slơ ngai slơ pin dờ`  tus mờ Đảng.

                                    Cau mblàng K’ Brọp