VOV4.K’ho - Bơh ngai 05 tus ngai 11 nhai 05, Ủy ban Mặt trận dà lơgar Việt Nam càr Khánh Hoà bơyai lơh pơrjum tìp mờ cau tĕ khà lam sồr tĕ khà gơwèt mờ ală cau tơlĭk măt tĕ khà kuang bàng Quốc hội khoă 15 tơngai bơh nam 2021 tus 2026.

Kuang atbồ Ban Kinh tế Dà lơgar ồng Trần Tuấn Anh tus bal pơrjum tàm mpồl tĕ khà sồ 1, tàm hơ̆ geh thị xã Ninh Hoà mờ kơnhoàl Vạn Ninh, càr Khánh Hoà. Tàm ală dơ̆ tìp mờ cau tĕ khà lam sồr tĕ khà, ồng Trần Tuấn Anh neh yal tơngu me broă lơh bơh să tờm ồng dê.

Ờ uă kơnòl tờm geh sùm tàm tơngai guh at gơnoar broă kuang atbồ Ban Kinh tế Dà lơgar bơh ồng Trần Tuấn Anh dê geh ai là: tus bal tàm ală tiah ngài, đềt mềr mờ làng bol, iăt mùl màl rài kis bơh làng bol bal mờ mpồl lơh sa kă bro nàng kơlôi sơnơng, pơlam, pơgồp jơnau đơs tus mờ Dà lơgar bơ̆t bơtàu gùng dà broă lơh dờng tài bơta kuơ dà lơgar, tài làng bol, ai làng bol lơh tờm mờ là tơngu me kơnòl, broă tơnguh bơtàu lơh sa mpồl bơtiàn geh cih tàm Nghị quyết pơrjum dờng kuang bàng dơ̆ 18 bơh Đảng bộ càr Khánh Hoà dê mờ bơta tờm ai broă lơh sa càr Khánh Hoà tơnguh bơtàu mhar, kơl jăp.

Cau mblàng Ndong Brawl