VOV4.K’ho- Di tơngkah kir sơnrai 91 nam Ngai bơhiàn Mặt trận dà lơgar Việt Nam (18/11), mang ngai 15/11, Kuang atbồ Ban Nội chính dà lơgar ồng Phan Đình Trạc neh lòt còp Tổ dân phố 3 Phan Chu Trinh, sơnah ƀòn 9, ƀòn dờng Dà Làc, càr Lâm Đồng. Do là tổ dân phố sơn rờp ngan bơh ƀòn dờng Dà Làc dê geh Ủy ban Mặt trận dà lơgar Việt Nam càr Lâm Đồng dờp là ƀòn làng bol ơm kis lam lơh lài. Ồng Phan Đình Trạc cih dờp mờ jờng rơ ală cồng nha mờ kấp ủy, gơnoar atbồ, mặt trận dà lơgar mờ làng bol tiah do neh lơh geh tàm tơngai lài. Ngan là nùs nhơm tàm dong kờl gơp bơtàu tơnguh lơh sa, sơrlèt gan kal ke tềng đap kòp Covid-19 mờ gàr kơ̆ khà jờng ƀòn làng bol ơm kis lơh lài.

Kuang atbồ Ban Nội chính dà lơgar ồng Phan Đình Trạc đơs tàm dơ̆ lòt còp

Ồng Phan Đình Trạc kơp kờñ làng bol Tổ dân phố 3 Phan Chu Trinh pơn jat tai tam klac, tơnguh nùs nhơm cau Dà Làc dê “lơbơn niam, niam chài, sền ngềr nac”. Di dơ̆ do, ồng Phan Đình Trạc neh jàu pà ai Tổ dân phố 3 Phan Chu Trinh, Ủy ban Mặt trận dà lơgar Việt Nam, càr Lâm Đồng mờ ƀòn dờng Dà Làc kung jàu pà ală bơnah phan ai 7 hìu bơnhă geh sră dong kờl bơh dà lơgar mờ 5 hìu bơnhă geh pơn rơ gơguh jak in.

Cau mblàng K’Duẩn