VOV4.K’ho- Di tơngkah kir sơnrai 96 nam Ngai sră ƀău kac màng Việt Nam, drim ngai 15/6, Bí thư Đảng dà lơgar, Kuang atbồ Ban Tuyên giáo dà lơgar ồng Nguyễn Trọng Nghĩa neh lòt còp, nting bơr 4 anih lơh ƀău tờm, geh: Anih lơh broă jơnau đơs Việt Nam, Anih sơñio rùp Việt Nam, ƀău Nhân dân, Thông tấn xã Việt Nam, mờ kung đơs nền pal pơn jat tai bơt bơtàu sră ƀău kac màng, tam gơl pa, mờng chài, niam chài mờ geh cồng nha.

Lòt còp, nting bơr gờm chờ Anih jơnau đơs Việt Nam, Kuang atbồ Ban Tuyên giáo dà lơgar ồng Nguyễn Trọng Nghĩa đơs, tơngai lài, Anih jơnau đơs Việt Nam neh geh uă tam gơl pa bè broă lơh mblàng yal, tơngume, broă lơh bè bơta kac màng mờ bơta tam gơl pa, li la tàm broă lơh mblàng yal, tàm hơ̆ geh broă wèt hờ ƀòn lơgar, tiah nhàr dà lơgar, bồt dà lềng. Kuang atbồ Ban Tuyên giáo dà lơgar ồng Nguyễn Trọng Nghĩa pin dờn Anih jơnau đơs Việt Nam geh sùm mpong ntas dờng, mpong ntas ngài mờ mblàng yal rơndap broă kơ̆ kơljap gùng dà bơh Đảng dê tus mờ làng bol mờ tus mờ làng bol ală jơi bơtiàn kòn cau, ngan là tiah nhàr dà lơgar geh uă rlau.

Cau mblàng K’Duẩn