VOV4.K’ho- Dờp jơnau jà bơh ồng Trần Đại Quang, Chủ tịch lơgar, ồng Joko Widodo, Kuang atbồ lơgar Indonesia mờ pơ ùr neh tus Hà Nội, sơnđờm dơ\ lòt còp Việt Nam. Mho òr (11/9), tơnơ\ dơ\ wă rò yu\ rơyùm tàm Hìu lơh broă Chủ tịch lơgar dê, ồng Trần Đại Quang, Chủ tịch lơgar neh tìp mat cribơyai broă mờ ồng Joko Widodo, Kuang atbồ lơgar Indonesia.

Bàr nă kuang đơng lam bồ đơs là tàm tu\ tiah châu Á- Thái Bình Dương đơs bal mờ mpồl ASEAN đơs is gam ơm tềng đap ală bơta tam gơl uă ngan, 2 lơgar pal sơlơ tơnguh tai mờ lơh jrô ơnàng rlau tai bơta g^t gơ\p Lơh broă bal jo\ jòng jat gùng dà lơh ngan ngồn tàm uă broă mờ geh cồng nha rlau tai, tài bơta kuơ làng bol 2 lơgar dê, ring lơngai, lơh broă bal, bơtàu tơnguh pas sơm tàm tiah do dê mờ tàm dunia. Tàm broă dà lềng đah mat tơngai lik, 2 lơgar dùl nùs ring bal sơlơ tơnguh tai dơ\ cribơyai wah ù tiah gi\t loh Tiah geh gơnoar kuơmàng lơh sa đah 2 lơgar dê.

2 lơgar đơs ngan, nùs nhơm ờ tu\ lơi tam gơl hơ pơrgon kờ` mờ broă bơsong ring lơngai ală jơnau tam pìt tam phà di pal mờ adat boh lam dunia, tàm hơ\ geh Công ước Liên hợp quốc bè Adat Dà lềng ( UNCLOS 1982).

Cau mblàng K’Hạnh