VOV4.K’ho- Mho ngai 05/11, Kuang ătbồ Mpồl dong broă dà lơgar ồng Phan Đình Trạc bal mờ mpồl lơh broă bơh Bộ Chính trị dê neh lơh broă mờ Mpồl duh broă sùm Thành ủy Đà Nẵng sền swì broă bơsram mblàng yal, lơh jăt ngan ngồn mờ lam lơh jăt Kơrnoăt Pơrjum dờng cau ala măt gùt lơgar dơ̆ XIII bơh Đảng dê.

Tàm rơndăp broă lơh mờ broă rơndăp lơh sền swì, Mpồl sền swì lơh jăt broă rơndăp lơh bơh Bộ Chính trị dê neh ai lơh jăt, sơnđờm bơh ngai dơ̆ bàr poh tơnơ̆, Mpồl geh lơh broă mờ bàr pe kấp ủy gơwèt Thành ủy Đà Nẵng, bè: Đảng ủy Cơldŭ lơh broă Thành ủy, Sở Kế hoạch mờ Đầu tư, Sở Nội vụ, Sở Tài nguyên mờ Môi trường, Đảng ủy Tổng Công ty Ồs đèng tiah tàm gùl lơgar, Đảng ủy Mpồl ătbồ Tiah Công nghệ cao mờ ală Tiah lơh sa mờ măy mok Đà Nẵng mờ Mpồl duh broă sùm Quận ủy Ngũ Hành Sơn. Tàm nam do, Đà Nẵng là dùl tàm 100 mpồl tàm gùt lơgar geh Bộ Chính trị săc rwah bơyai lơh sền swì broă đơng lam, sồr lơh broă lơh kơlôi sơnơng, bơsram, mblàng yal mờ lam lơh jăt ngan ngồn Kơrnoăt Pơrjum dờng cau ala măt gùt lơgar dơ̆ XIII bơh Đảng dê.

Cau mblàng Lơ Mu K’Yến