VOV4.K’ho- Di dơ\ tơngkah kir sơnrai Ngai Kơnràn lik lìng nam 2018, Mpồl kuang bàng ala mat bơh Kuang atbồ Ủy ban Mặt trận dà lơgar Việt Nam lam bồ neh tus còp chờ gờm Hìu jum Yàng Bàp Hà Nội mờ Hìu jum Yàng Tin lành Việt Nam.

Ồng Trần Thanh Mẫn, Kuang atbồ Ủy ban Mặt trận dà lơgar Việt Nam chờ gờm Hồng y, Kuang atbồ Hìu jum Yàng bàp Hà Nội, ồng Phê-rô Nguyễn Văn Nhơn mờ Mục sư Nguyễn Hữu Mạc, Hìu jum Yàng Tin lành Việt Nam (đah tô dà lơgar) mờ ală bàp yàng, ală cau duh broă yàng, làng bol jat yàng bàp jơnau nting săp chờ hờp kơ\p kờ` pràn kơldang să jan mờ dờp geh uă bơta lơngai lơngò bơh Yàng Tơm trồ dê; lơh gơs niam kơnòl bơh cau lam bồ dê gơ wèt mờ Hìu jum Yàng mờ bal mờ dà lơgar.

Yal bè ală cồng nha lơh geh tàm bơtàu tơnguh lơh sa, niam chài, mpồl bơtiàn, lơngăp lơngai, sền gàr dà lơgar, lơh broă mờ lơgar ndai bơh dà lơgar dê mờ ală broă lơh pơnrơ bơh broă lơh Mặt trận dê tàm nam 2018, ồng Trần Thanh Mẫn đơs ngan, tàm cồng nha bal hơ\ geh bơta tă pơgồp uă ngan bơh ală cau duh broă yàng, cau dong broă yàng mờ làng bol jat yàng tàm gùt lơgar dê.

Ồng Trần Thanh Mẫn pin dờn, mờ bơngă mờ kơnòl bơh he dê, Hồng y, Kuang atbồ Hìu jum Yàng Bàp ồng Phê-rô Nguyễn Văn Nhơn mờ Mục sư Nguyễn Hữu Mạc pơn jat tai sền gròi, dong kờl ai tơl bơta ai ală cau duh broă yàng, dong broă yàng mờ làng bol jat yàng in tus bal lơh ală broă lơh mpồl bơtìan, lơh broă niam kung bè tàm ală srơh tàm pơrlòng kờ` gơboh dà lơgar, pơgồp bơnah bơ\t bơtàu dà lơgar mờ lơh kơ\ kơl jăp mpồl tam klac dờng gùt jơi bơtìan ngai sơlơ pràn kơldang kơ\ kơl jăp.

Cau mblàng Lơ Mu K’Yến