VOV4.K’ho - Ngai òr (17/06), Kuang atbồ Anih jơnau đơs Việt Nam ồng Đỗ Tiến Sỹ geh dơ̆ tìp tàm internet mờ Tổng thư ký mpồl tam klăc jơnau đơs, sơnđio rùp châu Á-Thái Bình Dương (ABU) ồng Javad Mottaghi.

Tàm dơ̆ tìp măt, Tổng thư ký ABU ồng Javad Mottaghi đơs là, mờ broă mờng chài geh uă tŭ neh at uă gơnoar broă, kuang atbồ pa geh pồ Anih jơnau đơs Việt Nam ồng Đỗ Tiến Sỹ geh ai Anih jơnau đơs Việt Nam tơnguh bơtàu rơlao tai tàm tơngai tus.

Ồng Javad Mottaghi pà gĭt, mờ gơnoar broă là Tổng thư ký bơh ABU dê, ồng neh geh uă broă lơh bal mờ Anih jơnau đơs Việt Nam tàm ală nam do mờ kơ̆p kờñ geh dơ̆ niam lơh broă bal mờ kuang atbồ pa geh pồ ồng Đỗ Tiến Sỹ. Kuang atbồ Anih jơnau đơs Việt Nam ồng Đỗ Tiến Sỹ đơs, Anih jơnau đơs Việt Nam sùm là anih lơh broă bal niam geh kơnòl bơh ABU dê nàng pơgồp bal ai ABU ngai sơlơ tơnguh bơtàu.

Cau mblàng Ndong Brawl