VOV4.K’ho- Pơn jat dơ\ lòt lơh broă tàm ală lơgar Châu Âu, ồng Bùi Thanh Sơn, Thứ trưởng Thường trực Bộ Ngoại giao, neh lòt còp lơgar Rumani mờ gơnoar broă là Kuang bàng ala mat bơh Thủ tướng Chính phủ ồng Nguyễn Xuân Phúc.

Lơh broă mờ kuang đơng lam bồ ală anih lơh broă bơh Chính phủ Romania, Thứ trưởng Bùi Thanh Sơn neh pơyoa sră bơh Thủ tướng Chính phủ ồng Nguyễn Xuân Phúc dê pơyoa tus Thủ tướng lơgar Rumani, tơngo\ bơta kơ\p kờ` 2 lơgar pơn jat tai lơh ală gùng dà broă lơh lơh ngan mờ lơh broă bal tàm ală gah geh bơta pràn bè: kă bro mờ bơcri priă, cau lơh broă, bơto bơtê broă lơh…  

Đah lơgar Romania đơs tờm, sền dờng màng bơta kuơ bơh Hiệp định EVFTA mờ IPA gơ wèt mờ broă sơlơ tơnguh lơh broă bal đah lơgar Việt Nam mờ ală lơgar EU, tàm hơ\ geh lơgar Romania, kơ\p kờ` mpồl lơh sa kă bro 2 lơgar geh ngui cồng nha bơh tu\ tơngai niam bơh 2 Hiệp định dê nàng rề ơnàng ală broă lơh sa, kă bro, bơcri priă tàm drà kă bro bơh tơl lơgar dê tàm tơngai tus.

Cau mblàng K’ Hạnh