VOV4.K’ho - Kuang bàng đơng lam UBND càr Dak Lak neh tus còp, sền gròi broă lơh rơndăp broă lơh ồs đèng măt tơngai Serepok 1 tàm xã Ea Wer, kơnhoàl Buôn Đôn.

Rơndăp broă lơh hìu măy ồs đèng măt tơngai Serepok 1 geh Công ty Cổ phần bơcri priă mờ tơnguh bơtàu Đại Hải lơh tàm bă ù nàng 60 lồ, bơta pràn 50 MWp, kờp jơh khà priă bơcri 1 rơbô 200 tơmàn.

Tu\ do, rơndăp broă lơh gam tàm tơngai lơh mờr gơs, mờ 500 nă cau lơh sùm tàm anih lơh broă mờ di gơlan hìu măy geh ngui mờ pờ tơl^k ồs đèng lài mờ bơh nhai 4 tus nhai 6 nam do.

Do là dùl tàm ală hìu măy ồs đèng măt tơngai geh ai ngui lơh broă sơnrờp ngan tàm càr Dak Lak, mờ khà ồs đèng pah nam geh di pơgăp 73 tơlăk kWh.

Tơnơ\ mờ tu\ sền gròi ală broă lơh, kuang bàng đơng lam UBND càr Dak Lak đơs niam broă lơh ngan bơh anih lơh sa kă bro bơcri priă lơh mờ mpồl lơh broă; mờ sồr cau tòm bơcri priă gờ` ai rơndăp broă lơh ồs đèng măt tơngai Serepok 1 mu\t lơh broă, gàr niam cồng nha bè broă lơh sa, tiah kis mờ mpồl bơtiàn di jăt jơnau hơ mờ càr Dak Lak.

Cau mblàng Ndong Brawl