VOV4.K’ho- Mpồl kuang bàng HĐND càr Gia Lai neh dơ\ tìp mat mờ cau te\ khà  tàm ală xã Kon Pne mờ Sơ Pai, kơnhoàl Kbang.

Tàm dơ\ tìp mat, cau te\ khà bơh 2 xã neh geh ală jơnau dan, jơnau kờ` đơs mờ ală kấp, ală gah sơnah lơh broă bè ală broă: Broă ai ală phan bơna dong kờl ai hìu bơnhă chính sách in lơh mbè lơi nàng geh bơta niam, di pal mờ jơnau kờ` bơh làng bol dê; pơn jat tai sền gròi broă bơcri priă lơh gùng lòt tàm [òn, broă lơh ai dà sàng kloh, sền gàr tiah ơm kis, dong kờl làng bol tàm broă tam ală chi tam pa, lơh niam ờ uă broă lơh bơtơ\t rơbòng dà, kờp sền, rơndap tap sèng hìu ơm ai làng bol tàm [òn làng bol kòn cau Bahnar nàng gàr niam ală broă lơh bơt bơtàu [òn lơgar pa…

Kuang bàng HĐND càr Gia Lai cih dờp ală jơnau kờ` đơs, jơnau dan bơh cau te\ khà tàm ală xã nàng yal mờ ală kấp, gah sơnah lơh broă geh gơnoar in sền sơ wì mờ bơsong.

Cau mblàng K’ Hạnh